مفاجأة الشاعر؟؟

بنت كانت تنظر لرجل بجرأة قال فيها ابيات شعرلكي تتأدب لكن المفأجاة هي:



كل شبر بهالوسعيـه ملـك ربـي تعلميـن ***وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن ***كن ما به ناس غيري بهالكراسـي يجلسـون

لوسمحتي عاد أسمعي وحتى لو ما تسمحيـن ***المهـم اللـي بقولـه تسمعينـه ويسمعـون

عالأقل ليا نظرتك سـوي روحـك تستحيـن ***غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن ***وفيـك جآزم لاركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن ***لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن ***ما هـو أنـا إلي تعرفيـه والبشـر يتشابهـون

مـادريتـي من التشابـه يخلـق الله أربعيـن ****وأعرف أربع يشبهنك بـس بحق يستحـون

وإن كان قصدك شي ثاني عاد قولي وش تبين ***خايف إنا نصير فرجة وإللي ماشتروايتفرجـون

وإذاببالك عاجبتنـي لا يحوشـك تحلميـن ***صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن ***حشمة البنـت وحياهـا والكرامـة يلفتـون

ولوتوفر فيك هـذا مـع حلاتـك تبشريـن ***ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن **** مو طبيعي هالسكوت وهالبـرودوهالسكـون

إنتـي خرسـا أسألـك ولا منتي تسمعيـن؟؟ ****قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن*** ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن**** جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن ****الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن**** سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بن ادميـن ***وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن ***وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن ****صـمٌ و بكـمٌ وعمـيٌ فـهـم لا يفقـهـون

بس قليل عـاد فينـا للنعـم هـم شاكريـن ***والله يرزق هالخلايق من حيث هم لايعلمون

وتدري عاد يالكفيفة حنا تراى متشابهيـن ****وإن ماانعمت أبصارناقلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟***يغفر الله ذنوب عبده ليا خطا وهـل تغفـرون؟؟؟؟

منقولة

تحسين الله يعطيك العافيه على هذا النقل المبارك ولما فيه من معاني جميله ويكفي

إنتـي خرسـا أسألـك ولا منتي تسمعيـن؟؟ ****قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن*** ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن**** جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن ****الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن**** سبحان يلي مصورنا ولله في خلقـه شـؤون
ــــــــــــــــــــ

وتدري عاد يالكفيفة حنا تراى متشابهيـن ****وإن ماانعمت أبصارناقلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟***يغفر الله ذنوب عبده ليا خطا وهـل تغفـرون؟؟؟؟

الله يجمل حالك على النقل المميز

ابيات اكثـــــــر من رائـــــــــــــــعه.

لك التقدير,,,,

آمال خير

الحقيقة رغم روعتها الا انها تحمل في طياتها

حالة حزن للبنت الكفيفة ونظرت الناس لها ولكن

اسال الله العظيم رب العرش الكريم لمن حرم نعمة

البصر او غيرها ان ينور الله قلبه وبصيرته ويعوضه بالجنة

وقد اعجبنتني ابيات اوردتها في هذه الصفحات لحالة مماثلة

وهي الاعاقة (يا يمه هاتي لي عروسه)),,,,

وهنا اتمنى ان تتغير نظرت الناس لمن ابتلاهم الله

بمثل هذه الحالا ت ونسال الله ان يعافينا واياكم مما ابتلوا به

تحياتي

لك آمال خير

وجزاك الله على نقلك المميز

الله يعطيك العافية

آمال خير

يعطيك العافيه والله
نقل مؤثر لمن يمتلك إحساس
لاهنتي وأسال الله الشفاء لجميع مرضى المسلمين

شكرا لكم وفق الله الجميع