++قصيدة موجّهة لمسؤول++

السلام عليكم ورحمة الله وبركاته
أتمنى أن تتقبلوا قصيدتي المتواضعة جداً ولكم التقدير

ياسنيننا يا وقت يا عمر يا يوم=يامقبلات ٍ بالبشاير سفنها
ماني على ماقيل مخطي ومليوم=ونفسي رضيّة لو بتلبس كفنها
شاعر ولي مبدأ وحجة وقيدوم=ماغيّره جور الليالي وعفنها
شيخ ٍ ولد شيخ ٍ وفي الضيق عيزوم=اميّز الأقوال واعرف سننها
السوق له سايم وللسوق مسيوم=والمرجلة ملزوم نرقى عننها
سلام تسليم ٍ تعلّى ومضموم=سلام صافي للخواطر ومنها
يا بو عوض ياشيخ شامخ وحيزوم=ماتربشه سود الليالي ومحنها
شيخ ٍ وقايد ياصله كل مضيوم=ما قفّل أبوابه ووثّق رسنها
شخص ملك حب وقدراً وجيزوم=يكبّر العزوة ولا راغ عنها
اسمع من الشاعر وعارف وصمصوم=واسمع عبارات تسابق زمنها
ماني مخبّي للمعاني ودمدوم=اكشف خفاياها واقدّر ثمنها
شلة تسوّد وجه والوجه محشوم=محشوم وجه الشيخ وبعيد منها
صابر واكابد مر والقلب مهشوم=يخفي المصايب والمصايب دفنها
جادل سديد الرأي والنصر معلوم=وجادل غشيم الرأي تبصر وهنها
إن قيل لي ظالم فانا اليوم مظلوم=وقت غريب والخواطر شحنها
حظ تعثّر بي وذا الحظ مقسوم=دنيا دنية وش بقي من زحنها
من شانهم ماني بميت ومحروم=وماني بعابر خط ضيّع وطنها
سيفي بيمنايه وواصل ومسلوم=والخيل لاحادت فعندي عننها
شاعر واقول الحق وماني بموهوم=وروحي زهيدة وان تزايد طعنها
أورّد (ا) بحوري ولاني بمعدوم =والشعر ماخيّب ديار ٍ قطنها

مرعي الحمراني ..
صح لسانك ولله درك ..
قصيدة معبّرة وفي منتهى الجمال ..
هنيئاً لهذا المسئول الذي وُجهت له مثل هذه القصيدة ليس لأن فيها مديحاً له ..
بل لأنها تحمل معاني ورونق وجمال ومواصفات القصيدة الوافية الروعة والجمال ..
إن أردتها شكوى فهي كذلك وإن أردتها توضيحاً فهي كذلك وإن أردتها معاناة فهي كذلك ..
بالمختصر أراها قصيدة تربوية وتحمل رسالة عالية الجودة ..
الله يعطيك العافية وبيض الله وجهك على هذا الإبداع الراقي ..
لك التقدير ..

اخي

الشاعر القدير

مرعي الحمراني

قصيده رائعه وهاهي كعادتك دائما مبدع في كل شي

الله يعطيك الف عافيه

تحياتي وتقديري لشخصكم الكريم

اخوك
ظافر العمري

سعادة الأستاذ أبو ريان
أشكرك يا غالي
وبالفعل فلقد أصبت الهدف وتحليلك صحيح
وهذا ليس بغريب على شاعر قدير مثلك.

شاعرنا المحبوب وكاتبنا المبدع ظافر العمري
أشكرك وأتمنى لك التوفيق.

صح لسانك يا ابومحمد واعتلى شانك
وافي والقصيده وافيه

رائعه بإسلوب راائع
دوماً يكون للإحساس فينا مواطن جمال
بمشاعرك وضفت تلك الكلمات بجمال نبضك

دمت وافي ودام لنا عطائك ولاهنت يابعدي

احترامي وتقديري
اخوك

صح الله لسانك يا مرعى الحمرانى قصيده

في قمه الروعه وانت دائما مبدع في القصائد


هبووب الجنووب

صح الله لسانك يا مرعى الحمرانى قصيده

في قمه الروعه وانت دائما مبدع في القصائد


هبووب الجنووب

أورّد (ا) بحـوري ولانـي بمعـدوم
والشعـر ماخيّـب ديـار ٍ قطنهـا

مرعي الحمراني

لاخيب الله شعرك
قصيدة قمة في الإبداع
يعطيك ألف عافية ....

أخي الحبيب عطه خير ...الله يعطيك الخير...وشكراً.

الشاعر الكبير المسكت
أشكرك ورعاك الله.

هبوب الجنوب
أشكرك والإبداع الحقيقي هو تواجدك هنا .

الحبيب الأشقر
أشكرك وبارك الله فيك.