كل يوم سالفة

السلام عليكم ورحمة الله وبركاته


كيفكم يا اخوان الصراحة حبيت اني اطرح في هذا القسم فكرة جديدة وهي ان كل واحد منا يخش على هذا الموضوع ويقول لنا عن سالفة صارت معه في حياته او موقف طريف مثلا صار معه المهم نخلي هذا الموضوع زي المجلس نجتمع فيه نسولف فيه ونوسع صدورنا . ................ صح ان هذا اول موضوع لي في هذا القسم ولكن حبيت اني اجمع الاخوان من الاعضاء بإستثناء العضوات عشان نلم الشمل وبحيث اني اجمع الاعضاء هنا ونتعرف اكثر على بعض وعلى اساليب بعض بس المهم الصراحة والسالفة تكون فعلا صارت واعتذر بجميع انواع الاعتذرات للعضوات لعدم السماح لهم بالمشاركة لأنه مو معقول انه تخش عضوة وتقول لنا موقف حصل لها او سالفة صارت معها واتوقع ان الكل يفهم وش انا اقصد ................ المهم احب اني آخذ رآي الاعضاء في هذه الفكرة هل توافقون ام لكم رأي آخر ؟

نواااااااااااااااافق واول موقف مر لي اليوم قعدت في الزحمه ثلاث ساعات تعرف مكه وحج بس


وتقبل شكري وتقديري لك


اخوك ومحبك العاااااااااااااااااااقل

ههههههههههههههههههههههههههههههههههههه الصراحة اعجبني اختصارك للموقف يعني صارت زحمة وبس طيب وش سويت بعدها . طبعا اكيد في ايام زي هذه يصير فيها زحمة خصوصا انا في ايام الحج يعني لا بد من الزحمة هذا من غير الطرق الي يروحون منها المسافرين الي يبغون مكة عشان يحجون اجل لو تشوف طريق تبوك المدينة وش بتسوي والا الرياض الطايف يا شيخ اعوذ بالله حتى الواحد لما يبغى يسافر بالطيارة برضه تحصله يواجه زحمة في المطار خصوصا مطار جدة اعوذ بالله مليان زحمة الشوارع وجوى المطار حتى العسكر الي هناك الله يكون في عونهم ما ادري كيف يصبرون لكن تلاقيهم تعودوا خلاص بس التعب في التفتيش الله يعينهم عليه لأنه يمكن يجيك واحد لاف نفسه بالاحرام طبعا و الواحد ما يدري و ش تحت هذا الاحرام ممكن يجيك بكستاني والا افغاني والا اي جنسية كانت وحاط له تحت هالاحرام شي ممنوع مثلا مخدرات مثلا متفجرات يطلع ارهابي لا سمح الله الواحد ما يدري فهذه بعض المشاكل او المتاعب الي يواجها الرجل العسكري في المطار فالله يعينهم الصراحة عموما خلونا نطلع من جو الزحمة والعسكر والحجاج والمطارات ونشوف سالفة ثانية لأن عندي سالفة الا سوالف ابغى اقولها لكم صارت معي خلال دورتي بس بقولها بعد ما تردون علي والا يرد العاقل لاني اكتب لكم بعد صلاة الفجر وانا خلااااااااص ابغا اروح انام فالعذر والسموحة انتظروني الين ارجع لكم واقلكم على السالفة .