يقولون شاعر

بسم الله الرحمن الرحيم

أسعد الله جميع أوقاتكم

وجدت قصيدة قديمة لي أحببت أن اوردها لكم .. ومعناها فيها

أرجوا أن تنال إستحسانكم

دخلت فيها مجربٍ ومتحدي = واللا فلا رغبة ولا ميل فيها
أصول فيها بين مزحٍ وجدي = تارة تجي لأجلي وتارة أجيها
أزيد يوم بيوم وأقول حدي = ما مثلها إلا بحور من يرتويها
إي بالله إلا بحور جزرٍ ومدي = وحدودها بعيني بحورٍ تليها
هي نصف واما الناس نصف وزودي = والناس تجبرني على ما تبيها
جبر الخواطر قبل ودي وودي = عيب من عيوبي اللتي ما أحتصيها
يمكن لنفسي طاقة فوق حدي = والنفس ما حدٍ بيقدر عليها
أو يمكن إنها مرحلة وبتعدي = وأحاول أغنم فرصتي كل أبيها
أو يمكن إن الدهر للدرب مقدي = ودروب دهري ما أمن لمنتهيها
أحيان أقول إن ما في الناس قدي = وأحيان أقول إني غشيم بليها
وأحيان الاقي دافع شد زندي = وأبني طموحاتٍ ونفسي تعيها
وأحيان الاقي ما بنيته يهدي = وأرجع مية عام بعد ما أقتضيها
وأحيان الاقيها زهورٍ ووردي = من خلف صورٍ كيف لي وأجتنيها
أجني حسايفها وغبني ووجدي = وأخرج مزاكيها قبل يحتنيها
والصدق ما هو ضيم حرٍ وبردي = لكن هواجيس بقلبي عتيها
أنا أشهد إن عندي وعندي وعندي = لكن ما قد جات على مشتهيها
وإن كان فات القصد ما باح سدي = تبين للي بالنباء ينتبيها
واللا فخلوني على الضد وحدي = ما دام لا رغبة ولا ميل فيها

وسلامتكم جميعاً

شاعر ومتمكن يا بو عابد
ليس مجاملة
صح لسانك والله يعطيك العافيه
ابو عبدالله

ابو عابد
وضعت النقاط على الحرووووووف
لله درك ولا تحرمنا من جديدك

اخوووك
المسكت

مديرنا الغالي : صالح السلمان

مستشارنا العزيز : المسكت

مروركم وتعليقكم يشرفني وإشادتكم وسام على صدري

لاهنتم لاهنتم لاهنتم

والله يعطيكم العافية

صح لسانك وعلى قول السعيد(خير من يمثلهم)
كلمات رايعه ومعبره اتمنى لك التوفيق........

((صح لسانك))

أخوك/
الغراااااني العمرررري

الأخوان الكرام

فارس بني عمرو & الغراني لشعب

أشكركم جزيل الشكر على مروركم الكريم وتعاليقكم العطرة اللتي أتشرف بها من شرواكم

والله يعطيكم العافية

أبو عابد ..
لا والله إلاّ راعيها وأنا خوك ..
في الأساس أنت شاعر قدير وهذا اللي عرفناه عنك وبصراحة تامة ..
وكنت أتوقع إن إبداعك في شعر العرضة دون غيره وبعد هذه الرائعة أجزم إنك
شاعر بكل الألوان والأصناف ..
لك التقدير ..

مرحباً ملايين يابو ريان

والحقيقة ردك هذه وتعليقك يضيف إلي الشيء الكثير

وشهادة منك أعتز بها

الله يعطيك العافية