قيل قبلي بالامثال

الطـيـب فــي راع الـظـلايـم ظلـيـمـه
والطيب في راع النقاء يشرح البـال


والكذب سقم (ن) فالعقـول السقيمـه
والصدق منّجاة الفتـى يـوم الأهـوال


والكبـر هاجـوس النـفـوس اللئيـمـه
وألاّ التواضـع للفـتـى عــز واجــلال


وترا الحسد راس الصفـات الذميمـه
وراع الحسد دايم خبيث(ن) ومحتال


وبيع الشرف بالمـال ذنـب وجريمـه
منبـوذ مـن عصـر الجهـالـه ولا زال


ونـقـل الحـكـي بـيـن الأوادم نميـمـه
ولا ينقله يا كود خبـل (ن) و جهّـال


قول(ن) عظيم ومـن رجـال عظيمـه
مـا نيـب أقولـه قيـل قبلـي بالأمـثـال


الـمــال بـيـديـن النـشـامـا عـزيـمــه
والـمـال بـيـديـن الـــردي ذل واذلال


ومن لاعطـاه المـال عـز(ن) وقيمـه
ليـت الفقـر حـده علـى نايـف الجـال


مـا ينصـا رجـل (ن) يـذب الخريمـه
ولا ينـصـى بالـلازمـه غـيـر رجــال


وإن كان مـا تقضـى اللـوازم بهيمـه
أخير لك تضفي علـى راسـك الشـال


لا قلـت ســم ولا رفـضـت بحشيـمـه
ولا للمعـزه والـرجـاء فـيـك مـدخـال


لا وا حسايف عشرة (ن) لـك قديمـه
تبـي تبيعـه يـا اسـود الوجـه بريـال


انت تحسب الدنيا حيـاة (ن) مديمـه
اذهن وراك المـوت قصـاف الاجيـال


العـمـر يـمـشـي واللـيـالـي مقـيـمـه
وعن منـزل الدنيـا لـك القبـر منـزال


ان كان مـا تاخـذ مـع النـاس شيمـه
لا مت مـا يدفـن معـك غيـر الاعمـال


فـي كـل يـوم (ن) ترتـجـي للغنيـمـه
المـال يذهـب والبقـى صحـت الحـال

شكرا لك ريانه على هالاختيار الموفق ....

عمريه

تسلمين

ريانه أمس عصير واليوم صلصه وش قصتك مع اللون هذا أكيد كتيبتيها على طاولة المطبخ 0
على العموم قصيده جزله وهادفه وشكراً لك 0

يومه يالشايب ذيه ولا ميطيق يبصر

تسلم

ريانة العود

سلمت يمنآك
والله يعطيك العافيه
مثل هذه الدرر أتمنى لو تزودينا بإسماء شعرائها ولكِ كل الشكر
لاهنتي وننتظر جديدك
تقبلي أطيب التحايـــــــــــــــــاااااا

سيف العرب
تسلم لو اعرف اسم الشاعر واهبه

ان كان مـا تاخـذ مـع النـاس شيمـه
لا مت مـا يدفـن معـك غيـر الاعمـال

ما يدفن معك غير الأعمال ..... صحت بيض الله وجهك

بيض الله وجهك انت