قصيده (ابوصالح )للشاعر غرمان بن عزيز فى محمد ال سلمان

السلام عليكم ورحمه الله وبركاته

احب انقل لكم قصيده مدح للشاعر غرمان بن عزيز فى الاخ محمد بن محمد ال سلمان والذى يشارك هنا بااسم ( القفلى) والحقيقه وجدت هذه القصيده من ضمن المحفوظات لدى فحبيت انقلها للجميع ويمكن غرمان يتذكر موقفها

بس الغريب اننا لم نشاهدها فى ديوانات الشاعر؟
فله الشكر والتقدير وللقفلى كل الاحترام

عنوان القصيده ( ابوصالح )

بأسم الله ابدأ به جميع القصايد= الواحد اللي عالم كل الاسرار
واطلبك يامنشي بروق ورعايد= انزل علينا الغيث يارب مدرار
واطلبك تهدينى لعلم الوكايد = علم يفيد الناس ماجاء به اضرار
والله ينصرني على كل كايد = واعوذ بالله من الخبائث والاشرار
من بعدها اسلم بتسليم زايد = تسليم صافى عد ماهلت امطار
وعداد من يقرأجميع الجرايد= وعداد مافي كل صفحه من اخبار
ياصلك يامحمد يارجل الشدايد = رجل تعادل همتك ال عمار
وانا اشهد انك دوم ابو الفوايد = تفيد خير واضح بين الاخيار
علمك مع كل المخاليق سايد = جود وشجاعه وللكرم فيك مقدار
ونعم ياابوصالح ياراعي العوايد = ابوك شيخ وانت شيخ على ثار
مامثلكم غير الشيوخ السدايد = اللي يحلون المشاكل بالاشوار
راياتكم بيضاء بكل الحدايد = مرفوعه والنسل من نسل الاحرار
اقولها صادق وعندي شهايد = تشهد لصالح جدكم مكرم الجار
وان جاه ضيف يلتقي له وسايد = وصفر الدلال مجهزات على النار
مع وسع بال وخاطر فيه عايد = يعود له بالخير امرار وامرار
فالله يرحم روح من صار بايد = والحي ياربي لهم طول الاعمار
واختم كلامي عد نخل وجرايد = وعداد ماينبت في الارض اشجار
مني صلوات وسلام ركايد = على النبي الهاشمي سيد الابرار

الاخ غرمان شاعر قدير ويستاهل من يكتب فيه اما القفلي فاكيد انه يستاهل ولا ماكن مدحه لاخ غرمان .
تحياتي لجميع وشكرا لك الم الماضي على هذا النقل

شكرآ اخي الم الماضي على تنزيلك لتلك القصيده من اخي عزيز وجار وعانيه وهو الاخ الشاعر غرمان بن محمد بن عزيز حفظه الله ورعاه 0 تقبل تحياتي اخي الم ماضي والف شكر اخوك القفلي

ألم الماضي مشكور

وإن شاء الله يستاهل محمد أبو محمد هذه القصيدة ....
ويوماً بعد اخر نرى قصائد رائعة تدل على شاعرية
غرمان بن عزيز القوية ....

كل عام وأنتم بخير .

غرمان بن عزيز شاعر ولة مكانتة بين شعراء المملكة
وشكر\ى ياألم الماضي على نشر مثل هذة القصيدة

صح لسانك اخوى غرمان قصيده وافيه وانت وافى

ومن بيت نكن له كل الحب والتقدير

والاخ محمد ال سلمان يستاهل كل خير

دمتم بود

اخوكم,,,,,,,,,,,,,,,,, الساهر

قصيده جميله ويستاهل بن سلمان

صح لسانك الشاعر بوعزيز


وللعلم فقد شاهدت هذه القصيده فى ديوان الشاعر موجهه لمنصور البلوى !!