ونتي ونة عزيز اصبحت نفسه ذليلة

ونتي ونة يتيم ٍ مالقى له من يعيله=بعد موت ابوه وامه ضيّعه عمه وخاله
مالقى غير الشوارع تحتضيه بكل ليلة=يمسي بجوعه وهمه مالقى حي ٍ سعى له
ونتي ونة عزيزٍ اصبحت نفسه ذليلة=الليالي غيّرت به واذهبت حاله وماله
لين صار يمد كفه يطلب اليد البخيلة=ماطلبها لاجل نفسه وده يأكـّـل عياله
ونتي من زود هم ٍ ما آحدٍ يقدر يشيله=لوتجي كل الخلايق والله مافكت حباله
هم ٍ ادركني بثقله لين ضاعت كل حيلة=هم ٍ اكبر من صحاري (الرُبع) واكثر من رماله
والله انه مابقى لي في الخلاص اية وسيلة=إلا موتٍ مايؤخر مايريحني بداله
كان باقضي العمر كله بين همْ وبين ويلة=خلني ارتاح مرة ومن فقدني فالعزا له

سلامة روحك ياراجي الوصل
ويسلم بوحك ياطيب الاصـــل
***************************

راجي الوصل أعتبر ما للزميل الا زميله= كلنا في المنتدى ربع وتجمعنا زماله
أنت راعي الاوله وأبشر بوقفات القبيله= مايضيق الصدر مادام الوفاء قول وقاله

السـ أخوك ـااااري

انت يا الساري اصيل وعندي تسوى لك قبيلة
جعل غيرك مالبشر يفداك ياراعي الجمالة
هذي ظـــروف تـــعدت وامــطرت غيم المخيلة
احمد اللي مايخيّب دعوة اللي قد دعا له

صح لسانك يا راجي الوصل صراحة قصيدة طيبة وجزلة و معاني ومفردات قوية صح لسانك ولاهنت