ماعــــــــاد بدري

باخذبثاري مدام أن الجروح قصـاص=من قبـل ماطيبتـي تبـدأ تواسينـي
ماعادبدري أشوفك للدمـاء مصـاص=واسكت على جرحك اللي مندثر فينـي
قصقصت شريان قلبي ياغلا قصقاص=متضرج فـي دمـاه ومـن يعزينـي
يامانهيت الخفوق وكان ليّـه عـاص=ويوم رضخ لك شعوري قمت تدمينـي
يـادرة حايـره فـي ناظرالغـواص=كم حال مـوج البحرمابينـك وبينـي
يابنت أناحركالشيهان فـي المقنـاص=مارجع بخال الوفاض اصفق ايدينـي
احب طرد الحمام الابيـض الرقـاص=وياويل شوف الحبارى لأنظرت عيني
لي ظل في ارضها وانا لها لصـلاص=من عالي الجو تسعفنـي جناحينـي
شيخ وطيبي تعدّي الدانيـه والقـاص=حتى عدوي يفكـر كيـف يرضينـي
ماني لصنع الحكي كـاذب ولامـلاص=لاتحسبين ان جمالك نقـص بزينـي
رصيت حبك على جال الشقاءرصراص=وفقت من حلمي اللـي كـاد ينهينـي
خـلاص ماعـد بـه زود ولانقـاص=طول الحكي مايرجع ماضـي سنينـي
نويتها اليوم حرب بائـده برصـاص=وانثر شظايا القهر فيمـن يضاهينـي
لوكانوا أهلي وأهلك ساكنين نمـاص=ماعادبدري لوأن دينـك علـى دينـي