خيـــــانـــة..*

بسم الله الرحمن الرحيم

هذه القصيدة تعبر عن نفسها ولن اتكلم او اشرح عنها فهي تحكي عن نفسها..


((الخيـــانة))

أردك الله لا ولا اطلب تردين =
عثره تشلك ما بعدها تقوميـن=
خدان لك بالقلب كانت بساتين =
كنتي مناة القلب والروح والعين=
كنت أحسبك للعهد والحب توفين =
وحلفتي يمين الله ما منك اثنتين =
وانك على عهد المودة تسيرين =
وصار اليمين ستار خلفه توارين =
وبان الغدر سم جرى بالشرايين =
كلي سقيتك حب واليوم تنسيـن =
خذتي الهوى لعبه على ما تحبين =
من زينك يا بنت بالشعر تزيين =
انا من غرامي قلت كانك تذكرين=
وصرتي بشعري في العذاري تباهين=
زينتك بشعري ولا غربك الزين =
صورتك بالشعر حزام ورياحين =
رسمتك سحابه خير قطر تنفين =
رسمتك مهاه للجميله تقودين =
واثرك غراب يوم سدل الجناحين=
بالشعر غليتك على كل غاليين =
وبالشعر عاتبتك عتاب المحبين =
توسلت لك خايف على حب عامين =
ناديت لكن لي ابد ما تسمعين =
حذراك للشينات عمري تماشين =
غاب الولي عنهن ولعبن بحبلين =
ما همهن في الناس زين ولا شين =
وقلتي وربك لو يكونا ملايين =
تحسبين انك بالمهافه ترقين =
وخنتي وبعتي كل عهد وايامين=
وصرتي مثل غيرك برخص تبيعين =
صبري نفذ واليوم ثارت براكين =
سمعي عسى من بعدها ما تسمعين=
ادعي عسى من ناضرك ما تشوفين =
وعساك عوق منه ما عاد تبرين =
ويالله عسى يحتار فيك المداوين =
ويالله عسى كف الندامه تعضين =
وتبكين دم يسيل من مقلة العين =
عسى ما تلاقي من له القلب تهدين=
يا بلوة اللي وسط بيته تعيشين =
عسى بعمرك ساعه ما تهنين =
يا بنت قلبي وين مثله تلاقين =
جيتك وروحي شلتها لك بكفين =
يالله عساك النار يا أم وجهين =
ويالله عسى تلبسك جن وشياطين=
يا حية رقطا تقود الثعابين =
وباكر على فعلك بمثله تجازين =
بيني وبينك تحكم ايام وسنين =
ويا دمعة التمساح لالا تذرفين =
لا ما عرفتي الحب لا ما تحسين =
الذيب يعوي قبل يغدر بمسكين =
لو كان غدرك في كفوف الموازين=
انتي السبب سقتي على القلب جرحين=
وانتي السبب واليوم لالا تلومين =
والله لاكتب وافضحك في دواوين =
وارسم لاهل العشق قلبا وسهمين =
ويمين لانشر فوق اسمك عناوين =
ومن غرب هالدنيا الى قاصي الصين=
والبادي اظلم سنة العين بالعين =
ويا شبه انسانه برأس ورجلين =

((منقـــــــــول))