االينابا يا صبيان بني عمرو ما عاد بعدها اشرف من الموت ولا اذل من الحياة

يا مسلمين اشلون يهنى لكـم نـوم ********** وكلام ربـي دنستـه النصـارى
هم ما كفاهم ذبحة النـاس بالكـوم ********** وظلم الأسير بسود ذيـك الديـارا
ما عاد فيها ننتظر عذرهـم يـوم ********** ما عاد فيها حسبـةٍ يـا الغيـارى
أدري وش اللي عز من حطة البوم ********** وخلى الأصيل الحر عاف الحبارى
يومه مشى درب المهاليك معتـوم ********** وجنب دروب الحق وعنها استدارا
والكل صار اليوم يرخص به السوم ********** حتى خصيمه والقرايـب حيـارى
يا اللي بهم باقي تعاليـم واسلـوم ********** ضاعت دياري واهتكن العـذارى
والقدس صاحت وينكم وين يا القوم ********** ذا مسجدي شبوا به اليـوم نـارا
أنتم نيـام أو مـا يوعيكـم اللـوم ********** ولا مـن الذلـة غديتـوا دثـارا
ولا بسفيه الراي والفكـر مسمـوم ********** خلـوا بقاياكـم رميـد الوجـارا
شارون ويا بوش وبليـر وشالـوم ********** روس الفساد وهادميـن العمـارا
بغداد وكابل باتت أطلال واحلـوم ********** ومن قبلهم مسـرى نبينـا هـدارا
ونبينا سيد البشـر كـم مرسـوم ********** في صفحة التنكيت سـر وجهـارا
ما لومهم خلف الخنازير والـروم ********** إلا صار دين الحق ما له جـوارا
يا الله دعيتـك يـا قـويٍ وقيـوم ********** يا رب تحمـي ديننـا لا يـوارى
يا الله دعيت بحال ضعفٍ ومظلوم ********** ترفـع لنـا راياتنـا بالفـخـارا
يا الله كان المسلم اليـوم مهـزوم ********** لاشك لـه بالمقبـلات انتصـارا
مادام يتوكل علـى الله مـا يـدوم ********** كبر اليهود ولا غرور النصـارى