ياصــــــــاحبي بتموت ماني براجيك

راسك علامك رافعـه يـوم احاكيـك= الظاهر اني فـوق حجمك عطيتـك!
لحظه نبي نرجـع دقيقـه لماضيـك= بذكـرك فـي اي حاله لقيـتـك
كان الضياع ودمعتيـن تخاويـك= منهار في عـز انهيارك خذيتـك
ارخصت عمري لجل احبك وأداريك= وهدمت قصـر الذل فيـك وبنيتـك
الضيـف لـوانـه عـدوٍ معاديـك= غصبٍ عليـك/ تقـدره/ وسـط بيتـك
يا صاحبي بتمـوت مانـي براجيـك= واشره علي ان كان حتـى طريتـك
لا صار ذل النفس في قلـب يغليـك= يلعنك يـا قلـب عشقـك وشريتـك
اضحك حبيبـي دام وقتـك مسليـك= بكره تموت مـن القهـر لا نسيتـك