من يعبث بأمن البلد دونه السيف

من يعبث بأمن البلد دونه السيف


خادم الحرمين الشريفين الملك سلمان بن عبدالعزيز آل سعود " حفظه الله ورعاه "


للسيف كلمه تلجم الكذب والزيف
وحدًّه يخلي كل عاصي يطيعي

من يعبث بأمن البلد دونه السيف
والسيف هو درب الصلاح السريعي

ياسيدي سلمان لك مجد منيف
وحزمك جعلنا بالمكان الرفيعي

عزمك لنا جنه وحزمك لنا ريف
وشوفتك امن وفضل جودك ربيعي

لك فعل شيف وفعل للحين ماشيف
ولك هومه منها يشيب الرضيعي

ولك هيبة منها تضيع التواصيف
ولك نظرة منها البشر تستريعي

ومجد امتك حلق بروس المشاريف
وجعلت دون الشر سد منيعي

وياسيدي كتف هل البغي تكتيف
واضرب بسيف العدل فوق الجميعي

نظف بلدنامن اهل الارهاب تنظيف
وانت الهمام ابن الهمام الشجيعي

واذا نطق سيفك صمت داعي الحيف
ولاح الحزم من عقب حلم وسيعي

ومن لا ادبه وقته وعاش بتخاريف
(سلمان) يأدب كل نذل وضيعي

هذا الوطن من حد نجران لطريف
نفديه بانفسنا وما نستطيعي

هذا الوطن دونه نخوض الصواديف
ودونه ندوس الخوف في كل ريعي

وحده ابو تركي بحد المراهيف
ووحده بالحكمه وحسن الصنيعي

وحكم بشرع الله من دون تطفيف
وعدل ولا للناس حق يضيعي

هذا الوطن للشعب والجار والضيف
والمعتدي من دون حده صريعي

لو للمنايا دون حده تخاطيف
نشري نثراه ولا لحده نبيعي

الشاعر/ عطا الله بن سليمان العطا الله

صح الله لسانه قصيده رااااائعه
وسلمت يداك على نقلها لنا..

الريم الجفول

صح بدنك ، وشكراً لكي ع الإشادة
والله يسلمك ع المشاركة