المركــاز

السلام عليكم
ماشاء الله عليكم ما لحقت أقرأ كل المشاركات
أخذت جوله على بعض الصفحات والحقيقه
إني أستأنست وضحكت من قلب لين ضامني (ينبي)
متى ماجات فرصه أكيد برجع أنتدي معكم ..
طبتم وطابت أيامكم ..!
محبكم..

تو اسفرت وانورت ,, حضر العمدة ؟
حياكـ عمدتنا ,, والله يباركـ فيكـ ويخليكـ
ابد تدلل طال عمركـ وكل شيء يجيكـ لحدكـ !
أنت تأمر أمر !




حياكـ يا بو مانع
اسعدنا مروركـ وخلكـ معنا ترى المركاز للكل وعمدتنا موجود
تشرفنا



اختنا الفاضلة ,, الازدية ,, شكرا لتواجدكـ ..
نحن ويعلم الله من المقدرين لقلمكـ وفكركـ أنت ِ والاخت طيف الذكريات
لما نجده من الادب والرقي والغيرة على الدين ونعتبر انفسنا محظوظين بوجودكن
دون قصور في الاخرين والاخريات فهم منبع للطيب والحشمة
ومنتداكم من اروع واشرف المنتديات

الهدف من المركاز .. التواصل بين الاعضاء بعفوية واخوة
والخروج عن طابع الرسمية في الاقسام والمواضيع الاخرى
ديننا دين يسر والحياة ساعة وساعة على ألا نتجاوز الحدود .
اتابع ولم ارى الا المحبة والرقي والقصص حول مواقف حدثت بالصلاة لا تعني الاستهزاء بها
ولا تُعدّ انتقاصا من قيمة تلكـ الشعيرة العظيمة
بل هي مجرد مواقف تروى بحسن نية

نعلم اختنا الكريمة بأن علينا احترام الشعائر والمشاعر ايضا
لكنني لا ارى في مثل هذه القصص ضير او ذنب والله اعلم
اقدر تواجدكـ جزاكـ الله الف خير
دمت ِ ودام قلمكـ

يقول واحد من الشباب الله يذكره بالخير كنت أحمي الطير أيام الخريف والحزوم هذيك
المهم يقول أبويه يوصينا ما نحذف الطير بحصى إذا وقع بالزرع ويوصينا نستخدم الكعماء ( طينة البلاد )
يقول نصرفه ونقول طيب
طبعاً الهدف عشان وقت رموا بالحجر كسّر الثمر( الزغاديب ) وأعدموا الحزوم وبقي الحجر بالطين في نفس الوقت
قال شكله ما هو واثق لأنه من قبل لقي حصى وأنكرنا إنّا حن وقلنا ممكن ناس ثانيين
قال ويجي يوم بوسط النهار ولا ندري عنه ويدخل بين الزرع وحن فوق نتغمل وعلوم قال وشوي ويجي الطير
قال وأشتل الحصى وهات يا حذف طاخ طاخ
قال ويطلع لي من الثمالة وما اشوف إلاّ راسه تقول حنش
ويقول بلحرام إن بغيت أصفقه في الجبهة أخذ قلبي وتعييت مذاهو الشئ ذيه
قال إلاّ هو يقول ما يفشلك ربي يا الناقص كم قد نصحتك من الحصى
قال ام اطلع عليّه يقول قسم بالله ماتت عظامي ولا قدرت أتحرك
قال ام هبلي ثنتين بالعصى قسم إن شفت النجوم ظهر

ههههههههههه

ابو ريان

ذكرتني بقصة مشابهة لقصتك ولكنها اشد .
( بدون ارنب ) .
كان رحمة الله عليه جالس معرق المنداه والصبيان بجنبه يحاذفون .

المهم واحد منهم ما شاء الله عليه عليه حذف يالطيف .
المهم الولد اخذ حجر على كيفك ويوم اخر يده او يحذف به انطلق الحجر من يده واضرب في رأس الرجال الى دمه يفرغه .
صاح على الولد ..... مالك ؟؟

قال عديت ياعم .... ( عدلت عن الطريق ) .
وانتهى الامر هنا .

من هذه القصة نستفيد طيبة الناس زمان وتحملهم اخطاء بعض .
براءة الولد عندما شاف انه اخطاء ما هرب بل راح عنده وحلف انها عدلت وهو صادق .

تصور يابو ريان وانها في رأس المهندس وهو في المركاز ماكان ردنا الا الشرطه هذا ان كان ما خث روسنا .

عسى ربي يسلمك يالمهندس
وأكيد بطل عليكم ولايهمك
إن شاء الله .. شاكر ومقدر
لك أخي ..

وحي صوت المفجاع والمريمه حنيحها من هنيه هههه
الله يسعدكم والعلوم المركزه

أبو مانع ترا معك سوالف حلوة فلا تغيب تكفى عن المركاز ..
..
أبو فهد
هههههههههههه
ياخي ما ودنا نحذف المهندس ولا يجيه حذفه لأنه مؤسس مجلس الأرانب
والله يستر من المعرضات بس
..
على ذكر المنداة فيه واحد معنا هنا بالمنتدى يقول كانوا بالمنداة وهو صغير وصار خصم بسيط
وطلبوا معاديل وكذا فأرسله أبوه قال رح يا ولد هات الجنبية شفها معلقة في المجلس
فانفلت يا الريال مثل الهبوب واقبل بشفرة مقلمية كانت في المجلس

والله انه بطل يابو ريان
وليت كل مخطيه مثلها
خل الينبيه تسلم خخخ

وابشر إني اتواجد متى
ما كان هناك فرصه ..

تعرفون المشلوله زمان اذا جاء مناسبة ولا شي إم كان فيه واحد مريض مايقدر يحضر او شي من ذا القبيل كانو يرسلون له الى البيت
وكانو يختارون له إما كتف ولا شي طيب مع شوية مرقه الرز كان نادر

واحد من الجماعه صغير ايامها ماوصل ست سنوات حسب علمهم المهم كانت امه مطلقه في نفس القريه
ويوم خلص العشاء وكانو اول ما ياخذون المشلولة ويرسلونها
المهم زهم البو على الولد وحط له قطعة لحمة طيبه مع شوية مرقة في حلة وقال رح ودها لفلان وتعال بسرعه فشتل يالولد الحلة بما فيها ورح ودها لإمه وإرجع على اساس يلحق العشاء المهم تعشو وتعشت امه ذاك الليل وامسو وإصبحو وكل شي على مايرام
ولا وعي وهو قاعد حوالى الساعة تسعه الى والله ياواحد من اولاد جده إللي هو خاله في سن 16 سنه او حولها يوم جاب الحلة اللي البارح وهم كلهم قُعاد ماعمل حساب
الشي ذا وهو وداها حنية على ومه قالو وش ذي قال هذي حلتكم اللي ارسلتو فيها البارح العشاء قال بو الولد الله مايعطي الا مستحق
لكن المريض او يلحقنا منه شرهه تلقاه قعد الى نصف الليل وهو ينتظر المسكين لانه كان من المستحيل يخلونه اللي مايحضر بلا عشاء
عود راح واعتذر منه واعطاه السالفه كلها
حي منكم سواها وأخلف المسار

ما شاء الله ....... ولا أرنب الكلام كله ...... صدق

شويه شويه إلا وحن نسولف مع الرعيان ...... يا مسهل

الله الله من علوم ....... ويا قمر صبرك شويه

السلام عليكم

كنا عند الوالدة مجتمعين في يوم خميس

وكان الجو جميل وقررنا نشوي في الحوش

طبعا رائحة الشواء توصل الى بيت الجيران

الملاصقين لبيت الوالدة

حسبنا حساب الجيران من العشاء

وقررنا نطعمهم مما اطعمنا الله

جهزت صحن كبير وحطيت فيه ماتيسر لهم

وارسلت ولدي الله يحفظه

اخذ الصحن وكان ثقيل عليه شوية

وقف عالباب ينزل الصحن ويدق الباب

ويرجع يشيل الصحن ويبتعد عن الباب قليلا

وتاخروا اهل البيت ما فتحوا

على طلعة الجار المقابل من بيته اهله مسافرين وكان صائم

وطلع يشتري له عشاء

الا ولدي الله يهدي قلبه عصب من الوقفة وثقل الصحن

وراح عند الجار واعطاه العشا

من راسه حتى ما يعرفه

وبعد ما اعطاه فتحوا الجيران الباب

ماكتبت لهم سبحان الله

سبحان مقسم الارزاق
الله يحفظه لك يالازديه ويرزقك بره..

جاء واحد من أصدقاء الوالد عند البيت والوالد ماكان موجود فأتصل على تليفون البيت وهو جالس في سيارته عند الباب.. الوالده ربي يحفظها ردت عليه وصوتها مبحوح شوي فأعتقد الرجال أنها واحد من أخواني وقال انت فلان فأنحرجت وقالت أيه تقول ماقدرت اقول لاوالله اني فلانه سلم وسأل وهو مازال يكلمها مادرى أخويه
بهاالمكالمه وطلع عند الباب واذا بالرجال مرة يطالع فيه ومرة يطالع في جواله ههههههههههههههه
المهم الرجال قال للوالده انا عند الباب احسب ابوك فيه قلت ادخل اسلم عليه ..لكن خلاص سلم على أبوك..وتجامله الوالده اقلط مرحبآ الف شوي ويجي على أساس باقي تقول لاخوي ذا اطلع له
ومادرت أنه قدامه اثناء الحوار هههههههههه
ونزل سلم على أخويه ..وأخوي مايدري رجع البيت ويوم دخل وهو يقول الرجال ماهو طبيعي ميت أحراج وضحك ووجهه أحمر ليه ماأدري ..
فعلمناه وزعل قال احرجتوني معه فقالت الوالده خلاص حشرني انت فلان والا على بالي اعلمه أني أم فلان ..فسكت وجاملته .. ورجع الوالد قال مابه الا العافيه وأتصل عليه واعتذر له وعلمه ويقول هو عرفت أصلآ من يوم شفت الولد طلع وانا باقي اكلم أني تسرعت ومات ضحك من الموقف ..هههههههههه

ابو ريان

وش قصدك من زيني ولا خرعة
هههههههههههههههههههههههههههههههههههه

بسمة الكون

انتي ذكرتي الله وسميتي على البنت

ههههههههههههههههههههه

المهندس

صدقني ما ني منتبه لها لين طبت على البلاط

ومع ذلك سميت عليها وتفلت عليها على خفيف

اخاف يشوفوني خواتها يتوطون في بطني

هههههههههههههههههههههه