بيت على الكيبورد

اللي على الفرقى يحدك حدني
مدري عقل وإلا هبل ماهو عقل

الشوق لك طاغي وربي هدني
أثقل وأنا ضد التغلي والثقل

#محمديات

ليل .. وشوية براد وشوق
وإحساس فقد وطاري الذكرى

أخذ نفس يمكن .. لكن مخنوق
تبطين فيني جرح .. مايبرى

#محمديات

يقلون جده غير واقول ماغير ... حر ورطوبة وان هطل مزن غرقت .

تدري ياسكر زياده
إن قربك ما هو عاده
قربك لقلبي وروحي
هو ترى معنى السعادة


#محمديات

هات الرساله وعنونها على ذوقك
وخفف عليه معانيها وفحواها...
انت المعلم وانا تلميذبصفوفك
إلا انت ربانها واحنا رعاياها...

تعال .. انا تراني منتظر جيتك
اشتقت لك مامعي غير المحبه أعتذار

الشوق حره كواني .. ودي بفيتك
مالي على ذا الشعور اللي احسه قرار

#مقصوده

الصاحب الي عشقته فوق حسباني
يستاهل اذكر تواصيفه واماريبه
في شكله الموت والمضمون شي ثاني
ياسعدروحي لواصبح من معازيبه

غالي حبيبي ماله داعي تغلى
ترى الوصل بين المحبين لازم

ان جيتني بالوصل يازين والا
قلي خفوقك بالهوى ويش عازم

#محمديات

***



بَعدكْ ترى كل شي صار متـساوي
عفت الحياة ولا زهى لي مـــكاني

دامـك عناي وشوفتي لك تداوي
للضيقة اللي طــوّقت للــــمحاني

أقرب وعجّل لي بصدق الخطاوي
نار انتــــظاري ماتــبي له رهاني


!

عندي كلام(ن) كثير وما اقدر أقول شيء

............................. م اقدر احاكيكـ حتى احل بعض الأمور

الجُب مليـــــان لكــني فقــــدت الرشــــي

.............................. واخاف بعض النخيل تهلّ نيّ التمور

حشا,, سديسي الرجال

الصاحب اللي يوم دبرفقدناه
الله يرده بالعجل و السـلامه
نذرٍعلى لاحط له يوم ملفـاه
اجمل تعـابيرالفرح والكرامـه

المشاركة الأصلية كتبت بواسطة (ابوخالد)

الصاحب اللي يوم دبرفقدناه
الله يرده بالعجل و السـلامه
نذرٍعلى لاحط له يوم ملفـاه
اجمل تعـابيرالفرح والكرامـه

هذا الزمن ما يُربط أقصاه بادنـاه
ســــعادة(ن) مرّة ومـرّة ندامــة

واللي فقـــد غالي عسى الله ياقـاه
ويـرد له من يمنحــه لابتســــامة

صح لسانكـ أبو خالد

المشاركة الأصلية كتبت بواسطة المهندســ

هذا الزمن ما يُربط أقصاه بادنـاه
ســــعادة(ن) مرّة ومـرّة ندامــة

واللي فقـــد غالي عسى الله ياقـاه
ويـرد له من يمنحــه لابتســــامة

صح لسانكـ أبو خالد

باكتب رساله للمهندسـ على الريق
مااااااااني مأجلهـا ليا بعد الافطار
حامي بحامي تاصله ساعة يفيق
مزركشه باجمل عبارات الاكبار
زيارتك ياسيدي تنزح الضيق
وتريح قلب اللي من الهم محتار
يامرحباياشاعر(ن) له مواثيق
مع سمان الهرج وخيار الافكار
شاعر ويبدع في جميع الطواريق
عليه بسم الله من شـرالاشـرار
هذا صباحي ياخوي المطاليق
بأرفق معه بوكيه من زين الازهار

طالت الغيبه وشفنا العجايب
الله يجيب العواقب سليمه
اعتبرنا ياعظيم النجايب
قبل ماتاتي العواقب وخيمه.
اشهد اني فاضيٍ للطلايب
ساعةٍ والكل يعرف غريمه
..........
بالطياره هههههههه

تحيتي للغالين..

اللي بلاه الهبوب وبرد صلب الركب ... يكفيه حزمة حطب ويشب نيرانها .
وبجالها خبزة الملّة وصحن الرطب ... والدلة الشاذلية فعل من زانها .
تجمل اللي تعزوى ثم عدى وصب ... وتكيف اللي تناول زبن فنجالها .