روآيـــا الديـــــره..

رويال

الوضع بالنسبة للمهر عندكم مقبول من الاربعين الى السبعين ممكن لكن التكلفة المرافقة وان كانت من باب الكرم وانتم اهل الكرم الا ان فيها مبالغة يعني المهر سبعين والتكلفة سبعين ارى ان فيها مبالغة على عريس جديد توه يبني عش الزوجية خاصة اذا كان حاله وحال اسرته على قد الحال .

اما ان المهر هو من يرفع من مقام البنت فاقول لك هذه القصة حصلت حقيقة وان كانت من النادر تحصل لكنها حصلت .
واحد كلفه الزواج 150000 ريال وحصل بينه وبينها خلاف وحضروا اهلها ليصلحوا وكأنهم مالوا مع بنتهم قال لهم بنتكم انا شاريها بفلوسي انا دافع ديتها اذبحها اضربها مالكم شغل واشتدت بينهم المشاكل ولم تحل الا من المحكمة بعد سنة تقريبا حيث قاموا بدفع خسائره ليطلقها وفعلا تم الصلح .
فاحيانا يكون زيادة المهر مشكلة .
كذلك المؤخر البعض يأخذ مبلغ بسيط ويحط مؤخر ستين الف او سبعين او اقل او اكثر ويقول هذا لو صار شيء وكأنه متوجس الشر .
فاذا اراد ذلك الزوج الخلاص سام ابنتهم سؤ العذاب حتى تطلب الطلاق ويرفض حتى تتنازل ويتنازلون عن المؤخر .

فالأعتدال في الشيء وتقدير الطرف الأخر مهم جدا والله يوفق الجميع .

شكرا لك لمداخلتك وتوضيح عاداتكم في المهور وشكلنا حول بعض الا في التكلفة .
بارك الله فيك .

بالفعل البركه والسعاده بالقليل والي يسمع البنات
يقول بتتزوج ولاعاد تشتري شئ ..!!؟؟
الواحده تأخذ قدر حاجتها فقط وتساعد على تيسير الامور
ليبارك لها ربي ويعينها ..

نسيت يابو فهد و لا يهون قاري المنتدى

التكلفة ممكن ما يلحقك الا ربعها او اقل

لان خوالي عطوني قعود و مادري كم طلي و عماني كذلك

و خوال ابي من قبيلة يام الفهاد اعطوه قعودين و كل من يعز عليك من قبيلتك لازم يعطيك كرامة و تقبلها اما الدراهم العانية قليل نقبلها

و جا موقف في زواجي يوم احضروا اخوياي من ضمنهم ابو ليلى الله يذكره بالخير و كان معهم عطيه تطلق وجيهم ما تخجلهم من جميع قبايل المملكة

و جوب علينا واحد من اعضاء المنتدى سابقا لقبه في المنتدى اليامي و ذكر العانية و رفض ابوي من باب الحق لكم يالضيفان و حضوركم اكبر كرامة و عانية لولدي

بس اصروا و اابوي رفض حتى قالوا و الله ما نجلس و لا نشارك حتى تقبلون العانية

و يوم تقول مبالغ في الكرامة فانا متزوج معي اثنين من اخواني و اثنين من عيال عمي

و الكرم في هالوقت اللهم لك الحمد و الفضل و المنة معاد لحد طيب خير ربي و كرامته لنا توجب علينا الشكر

شكرا ابو فهد و اتمنى اني وضحت لكم شي عن عاداتنا الي تشبه عاداتكم فكلنا قبايل و تلزمنا الحقوق و المواجيب

بارك الله فيك رويال ماقصرت ومعرفتنا بالعادات والتقاليد شيء طيب ويعطيك فكرة حتى لمّا تصادفك مواقف تعرف تتصرف وفق العادات والتقاليد المتبعه .

لاهنت .

يعطيكم الف عافيه جميع على هالتوضيح الطيب لبعض العادات والتقاليد من قبيله لاخرى
دامت السعاده لقلوبكم..

عموما وللتوضيح قبيلتنا معروفين شبابها واغلب بناته
من خلال التقارب والمعارف بيننا ولنا في كل قرية
معارف واقارب مثل ما لغيرنا عندنا وعند القرى الثانية
لذلك ابن فلان معروف وبنت فلان معرفة والسؤال واجب
بالنسبة لمن يقول مهرك كذا وباشتري مثلك براتب شهر او شهرين
فهذا سافل ولا يعد في مصاف الرجال لأنه لايقدر اولا اهله
ثم انسابه
والامر سهل اذا بنت الناس فيها عيب شرعي فالتسريح باحسان هو افضل الحلول
والحمد لله لم يحدث عندنا إلا حالات طلاق بسيطة سببها فشل الزوج
ووجدوا ازواج ابرك من السابقين ..
انا عندي بنات ووالله العظيم ان ودي اجد لهم ان شاء الله مستقبلا الزوج المناسب
وادفع من عندي وش فيه احسن من انك تشوف بنتك مبسوطة ومرتاحة في بيتها

تحيتي للجميع

احسنت يابو حسن بارك الله فيك ختمت بالمفيد لاهنت .

بارك الله فيك ابو حسن وهذا من طيبك
الله يوفقك بناتك وبنات المسلمين وويرزقهم مايتمنون ويسترهم دنيا وآخره ..

فيكم ياعرب
مذا معكم في العرس والله انه دواء
ولابعد اسمع حي منكم يقول بخ
والي معه روايا يسير يدور قسم ثاني
يناتف العرب فيه
اقعدو في العافيه

ارحب تراحيب المطر يابو صاهود
المهم لا تنسانا عند الزواج خلك من علومنا .

الله يسلمك ويبقيك يابوفهد
ومخارجين من الشر والله يرفع عنكم الضيم
والله يحييكم الاول والتالي
لاقدحددنى الموعد غير احتروالذمير

السلام عليكم ورحمة الله وبركاته ..
اسعد الله مساء الجميع بكل خير ..
ابشركم قضيت اجازة راائعة..
نهايتها انقطعت عن الاتصال بالعالم واتصلت الروح بخالقها في أجمل وأطهر البقاع ..وكان لكم النصيب الأوفر من دعواتنا ..



وعدنا لنبدأ الروتين المعتاد ..أعاننا الله وإياكم

ماشالله طيف الله يتقبل منكم ان شالله ..

طيف الغالية

ماشاء الله تبارك الرحمن

نسأل من يسرها لكم ولكل معتمر وزائر
ان يتقبلها ويتقبل منكم الدعاء ويبلغكم العفو والرضا

نوااره ..الازديه
الله يوفقكم ويجزاكم خير