المركــاز

هذه قصة أعجبتني وضحكت منها كثير شوفوها وإسمعوها

المقطع:
[youtube]في اخوان ثنين واحد مطوع والثاني هواوي ويحب الفلة والمقناص واليا من اصبح الهواوي في الصباح اخذ الطير والسلوقي والرجال راعي مقناص بس قلبه خضر وهم الاخوان يتمان امهم وابوهم متوفين ولهم خاله بعيده عنهم شويه يعني متطرفه


والهواوي هذا يخدم خالته والخاله هذي عندها بنت مزيونة والرجال يحب البنت بنت خالته ( يعني يخدم الخاله عشان المزيونه ) ويبيها على وضح النقا المهم جا الليل سوا العشا وزينه وجاه اخوه الكبير وقال طالبك مطلوب قال الزكرتي انت اخوي انت الكبير لاتطلبني امرني امر


قال المطوع انا طالبك قل تم تم قال انا ابروح احج وابيك تمسك المسجد لين اجي قال الزكرتي انا اروح الصيد وانت خابرني ماني حول مسجد وانت عارفني اخدم خالتي قال المطوع الخاله تعال لها يوم الجمعه لان ماعندنا جمعه في الديرة هنا انت تصلي من يوم السبت للين يوم الجمعه الفجر


وبعدها تروح للخاله تخدمها وترجع العصر قال الزكرتي من الصباح يصير خير ماندري عن الرجال هو يهون ولا يستخير الله اعلم, جا المطوع في المسجد قال ياربع يوم صلابهم سامحوني وبيحوني انا ابروح احج قالوا الله يستر عليك وتجي بالسلامه قالوا من يمسك المسجد قال اللي بيمسكه اخوي فلان ( الهواوي)


شافوا جماعة المسجد اخوه الرجال ماهو راعي مسجد ولا راعي صلاة قال إن شاء الله فيه خير وقال المطوع لخوه الهواوي تراني معود الجماعه بعد العصر بحديث او حديثين المهم مشوا وتوادعوا ودراء الزكرتي ان الحبال مسكته والرجال الهواوي صوته طيب

قالوا الجماعه ماشاء الله صوتك زين وليت اخوك مبطي راح الحج وصوتك طيب المهم اخذ ثلاث او اربعة ايام فقدتهم الخاله طلعت تسأل قالت يامن يسأل لي عن اليتمان ويش دنياهم وويش اخبارهم قالو اليتمان بخير ولابهم لوم واحد في الحج والثاني في المسجد قالت الخاله اكيد اللي حج فلان اللي يجينا الهواوي راعي الطروق


قالوا لا اللي راح الحج المطوع وفلان ( الزكرتي ) في المسجد قالت فلان في المسجد قالوا نعم فلان في المسجد قالت الخاله الله يهدي من يشاء وفلان ماني خابرته راعي مسجد المهم الخاله مشت وراحت البيت وعلمت البنت بالسالفه قالت البنت انا ماصدق قالت للأم ابيك تسمحين لي ابروح اتأكد


راحت البنت للمسجد في وقت صلاة العصر اليوم السادس والزكرتي يدخل المسجد ويقول للمؤذن اقم الصلاة ويقيم الصلاة ويجي الزكرتي ويقول استوو وبيقول اعتدلوا ولا يلتفت ولا يشوف بنت خالته

قال الزكرتي :





تعدلـوا ياهـل القلـوب المواليـف
....................وصيروا ورى القراي خمسة صفوفي
احلف بربٍ حيـزم الغـرس باليـف
....................مرجع بصر يعقوب بعـد الكفوفـي
انـك منـاي بلابسـات المشانيـف
.....................واللي كـذب يالله عسـى مايشوفـي



الله اكبر وصلى بهم وسلم واستحى الزكرتي وعاد وراه واحد من عيال عمه لكيع قال يافلان قال نعم قال طالبك انك تعيد الحديث اللي قلته قبل تكبر للصلاة قال الزكرتي لا يافلان هذا الحديث اسناده ضعيف ضعيف ولا يعاد ...


وسلامتكم

888

يسلم راسكـ ابو سيف
الهواوي دايم يضربها الى الكوع ويجي بالعيد
والشرهة على خوة اللي حطه امـــام



الله يسعد قلبكـ مثل مااسعدتنا بهالسالفة الرائعة
الليلة ودي نأخــذ بخاطر الربع اللي ما يحبون المزح وانقل لكم كلام حكيم يسوى ملايين
يقول أحـــــــدهم وهــذا مجرد نقل وبالحرف الواحد ..



يقول .. سألت حكيم
قلت :"ما هو أكثر شيء مدهش في البشر؟ فأجابني قائلاً :-
" البشر ! يملّون من الطفولة ، يسارعون ليكبروا ثم يتوقون ليعودوا أطفالاً ثانيةً "
" يضيّعون صحتهم ليجمعــوا المـــــال ثم يصرفون المـــــال ليستعيدوا الصحة"
" يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل"
" يعيشون كما لو أنهم لن يموتوا أبداً ، و يموتون كما لو أنهم لم يعيشوا أبداً "

مرّت لحظات صمت ....

ثم سألت " ما هي دروس الحياة التي على البشر أن يتعلّموها؟ فأجابني : -
" ليتعلّموا أنهم لا يستطيعون جَعل أحد ٍ يحبهم ، كل ما يستطيعون فعله هو جَعل أنفسهم محبوبين "
" ليتعلموا ألاّ يقارنوا أنفسهم مع الآخرين "
" ليتعلموا التسامح ويجرّبوا الغفران "
" ليتعلموا أنهم قد يسبّبون جروحاً عميقةً لمن يحبون في دقائق لكن قد يحتاجون لمداواتهم سنوات ٍطويلة "
" ليتعلموا أن الإنسان الأغنى ليس من يملك الأكثر، بل هو من يحتاج الأقل"
" ليتعلموا أن هناك أشخاص يحبونهم جداً ولكنهم لم يتعلموا كيف يظهروا أو يعبروا عن شعورهم "
" ليتعلموا أن شخصين يمكن أن ينظرا إلى نفس الشيء و يَرَيَانِه بشكلٍ مختلف"
" ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً


وانا اقول .. الله اكبر
ماأحوجنــا لتدبّر وتعلُم مثل هذا الكلام الجميل
فتكم بعافية


.

قصة صغيرة مع قصيدة على طرق اللعب :

فيه شاعر معروف تقدم لأحد الأسر ليخطب بنتهم إلا ابوها رفضه وزوجها واحد آخر يرى الشاعر هذا إنه أقل منه كفاءة ورجولة وإن البنت أصلا تحب الشاعر وتفضله على العريس المغصوبة عليه

المهم الشاعر هذا راح يهيم كعادة الشعار وقال هالقصيدة المعروفة لكثير من الناس

أبصر الكبش ذا باعه غشيم وذا شرى أعمى
...................... وإنتظر الذيب في روس الجبال أمسى عوية

وسوف أحاول أجيب الرد لاحقا ..... فصراحة ذكرتي الشخصية تحتاج فرمته ما عاد اوعي كلمة هههههه

وسلامتكم يا جماعة الربع

هذه المرة خذوها قويّة جداً ..
حضرت أمسية شعرية للدكتور محمد العمري المحاضر بجامعة الملك خالد وكانت تُقدم له طلبات من الحضور ..
إحدى هذه الطلبات أجابها وكانت تحكي واقع قصة رهيبة وغير متوقعة ..
فقائد القصة وراويها وصاحبها وبطلها هو صاحب السمو الملكي الأمير خالد الفيصل أمير منطقة المكرمة ..
وش السالفة اسمعوها ..
يقول الدكتور محمد العمري كنت مع الأمير خالد ( وهو أميراً لمنطقة عسير ) ومن ضمن وفد إستقبال بالمطار لضيف
زائر للمنطقة قال وصلنا للمطار ووصل الأمير وجلسنا بالصالة الملكية ننتظر مع الأمير قال ثم تحدث الأمير بروح جميلة وقال
يا جماعة الخير عددنا هنا 60 رجال وباقي ساعة على وصول الضيف يعني 60 دقيقة إش رأيكم كل واحد يجيب سالفة في دقيقة
وكذا نقضي على الوقت ( شف دهاء الأمير ) قال الدكتور فقلت نبدأ من عندك يا طويل العمر فقال أبشر ..
قال والله على ما تسمعون إن ما سأحدثكم به هو حقيقي ووقع ( الكلام الآن للأمير خالد الفيصل )
قالوا الله يدلك :
قال يوم من الأيام كنت بقصري أناظر مدينة أبها وقت العصر والأمطار تهطل بشكل جميل وخيالي وأشوف الناس تتمشى
وتوقف بسيارتها بأماكن جميلة ومستمتعين بالجو فقلت في نفسي هنيئاً لكم بهذه الحريّة الجميلة قال ثم قررت
أن آخذ سيارتي وأحاول أغيّر من هيئتي وأذهب مع الناس إلى جبل نهران المطل على أبها ..
المهم يقول شغلت ( مرسيدس ) قديم شوي ومشيت ووصلت لجبل نهران ووقفت بين الناس ( وداق اللطمة وبدون عقال )
وأموري تمام وسيارتي عادية وما أحد حاس بشئ قال وأنبسطت وكان الجو ماطر وعلى مستوى وبعدها مشوا الناس
فمشيت ورجعت معاهم ومتجهي لبيتي ..
يقول وصلت للحزام الدائري لأبها وأحس وضع السيارة مش مزبوط فاضطريت أوقف إذا بالسيارة مبنشرة كفرتين ويقول
بإمكاني الإتصال بدورية وهكذا ولكن فضلت أن لا اجعل الأمر بهذه الطريقة ويقول المشكلة الناس ما لهم نيّة بالوقوف بسبب
المطر والجو بارد قال شوي إلاّ وصاحب هايلكس وشايب ومتعلق بالدركسون ويكبس بالنور مسوي تاكسي و( يكد )
قال عرفت وضعه واشرت له ووقف وركبت معاه قال وين تبغا قال قلت روح من هنا وقدام واعلمك وين توصلني
قال ومشينا قال ويسألني الشايب أنت من وين قال قلت شهراني قال ونعم قلت ما عليك زود ..
قال ومرينا بشارع مليان ماء وطبت السيارة بحفرة وفك الشايب الدركسون من قوة المطب
قال فقلت على مهلك قال فرد عليّه وقال : الله يلعن خالد الفيصل فقلت استغفر الله وش ذنب الرجال
العن الشركات أو المواصلات بس الأمير وش سوى مسكين قال فيدق الشايب بأصابعه على الطبلون
حق الهايلوكس ويقول هو الملعون لو كان وده يصلحون الشارع صلحوه ..
قال الأمير فطست ضحك وحطيت الغترة بفمي وما ودي يلاحظني المهم يقول وطول الطريق أقوله من هنا من هنا إلى أن وصلت لقرب القصر
وقلت له خلاص هنا وأعطيته حسابه ونزلت ..
المهم يقول شكله شك أو لاحظ أو عرفني قال بس حاسبته وشوي إلاّ ما أشوف إلاّ الشرار من شكمان الهايلكس
وبأكبر سرعة تو كل على الله ..
قصة رهيبة وفي نفس الوقت يا لسمو الأمير ويا لروحه وروعة أسلوبه وبساطة تعامله ..

هههههههه

تلاقيه وقتها يقول ,, يا ليتني جلست بالبلكونة ولا هذا اللعن والمطبات
عُرف حفظه الله اميرا , شاعرا ورجل دولة بما تعنيه الكلمة
له على عسير واهلها الفضل الكبير بعد الله
فقد احبهم واحبوه كثيراً



تقديري ابا ريان

جب البعارين يابو فهد ولا جبنا الفيله


واحد يقول على طاري الارانب
ارنب صغير

واحد يقول كنت على متن طائره متجهه من الرياض الى أبها يقول مطمئنين في امان الله بين السماء والارض

قال باقي عن ابها حوالى ساعه او منها وفيها قال وشوي الا يعلنون على الطائره هل يوجد طبيب على
متن الطائره يقول كررو النداء كم مره مالقو ولا طبيب قال ويغيرون النداء الى هل يوجد طيار على متن الطائره

قال ومن يوم سمعو الركاب الاعلاان ذا الآ بعضهم يتخاورون(يبكون )قال ماقام حيٍ أبد قال وشوي إلا يعلنون

هل يوجد على متن الطائره أحد قلبه قوي ولا يخاف قال فني أفز الا وأنا واقف قال ماصدقو الملاحين
قال وخذوني الى كابينة القياده الا والطيار قد اغمي عليه جاله حالة إغماء
المهم مالكم بطول السالفه يقول ماعندي من الانقليزي لفظه ولو اسمي يقول قالولي انت بس اجلس
على الكرسي ذا وحط السماعات ذي على مسامعك وكل شي بيجيك مترجم الى العربي انت فقط نفذ
اللي تسمعه قال وانا اتوكل على الله وأصك بالسماعات على مسامعي وكل شي صاغ سليم يقول
الين وصلنا فوق أبها يقول الا وذيك الوحه معلقه في الهواء وإلا مكتوب عليها ابها وسهم تحت
قال وانا احدر الطايره من تحت السهم وبقدرت قادر إلا وأنا محضر في المطار يقول كلها كوم وفرحة
الركاب يوم نزلنا وهم يمشون ورايه في المطار ويصيحون بإسمي أحمد أحمد أحمد ويصفقون يقول
ماودي انهم احرجوني خصوصاً مع اللي موجودين بالمطار


عااد يقلك واحد من اللي كانو يسمعون السالفه قال اللوحه اللي معلقة في الهواء ومكتوب
عليها ابها وسهم اسفل مابجنب السهم سهم يمين ومكتوب جيزان

ابو ريان

بيض الله وجهك ووجه الامير خالد ووجه محمد علي .

المسكت :

انت في عقلك تقول ارنب صغير ؟؟ الا اكبر من الجمل والفيل معا .

كان عندي واحدة اعتبرها جمل ويوم شفت هذي بطلت . هههههههههههههه

ابو ريان .... يعطيك العافية ..... وصراحة سمعت سوالف من هالنوع للأمير خالد ومنها سالفة مشابهة في تنومة ولكن بدون مشاكل أو سباب

ابو فهد ..... والله ما ألومك ..... منذا أويطيق ييود مثل ذيه ههههه

المسكت .....ويعطيك العافية .... والله إني أشك إنه صاحبي راعي الديناصور التالي ههههههههههه

المهم هاكم تيه ...... ارنب أرنب أرنب ..... لا لا لا والله هذي ديناصور ههههههههه هههههههه ههههه

واحد من جيرانا في الديرة وكثير منكم يعرفه يحب يسولف لكنه يكبر السوالف شويه .... المهم مالكم بالطويلة

يقول كنت يوم من الأيام على سطح البيت في ليلة قمراء والجو صافي والقمر مكتمل ففكرت إني أجيب الدربيل وأقرب القمر وأشوف وش به وش عليه يمكن آشوف شئ غريب ..... قال جبت الدربيل والمركاز وضبطت العدسات وقربت القمر .... المهم اقرب وأبعد أقرب وأبعد ماني مصدق عيوني ..... افركها وأدعكها وارجع اقرب وأبعد أقرب وأبعد ماني مصدق عيوني ...... لكن ما فيها كلام إني آشوف شيول ومعدات تسوي بقوع وبلاد على سطح القمر ( الله يهوله راعي علم)
فيقول .... لكن الله أعلم منهم ذولا الناس إلا على القمر .

وسلامة الجميع

هههههههه
(مدري وين البلدية أولجنة التعديات عنه شكل عنده واسطة راعي الشيول )

المهم تحدي الأرانب ومين يكسب

^^^
هههههههه هههه ههههه
ايه يا مكثر الارانب ومسمنها
تصدقون اني معزوم للعشاء وهونت
خائف يكون عشــاهم ( ارانب )


الله يسعدكم
تروا المركاز للسوالف والوناسة
واحلى شيء .. الارانب ! الله الله في السمان !
كلها كوم والشيول على سطح القمر كوم
الله يسعد قلبكـ ابو سيف


انتظرونا مع ارنب زغنطوط

المشاركة الأصلية كتبت بواسطة المهندســ

كلها كوم والشيول على سطح القمر كوم

على كذا شكلكم ما قد سمعتوا بالصحفة اللي دنا عليها ستين رجال في وردٍ واحد

^^
لا والله ننتظرها طال عمركـ
..

يقلون فيه واحد ما يهناه او يجيبها مثل ( الظور )
قابله صديق له ,, قال وين رايح قال معزوم عند زملاي باستراحة
قال راعي الارانب ودك اخاويكـ ,, قال حياكـ بس تكفى لا تفشلنا
قال ابشر - اذا شفتني اكبرتها فدقني بكتفكـ واصغرها ,, اتفقـــوا !
بعد العشاء وهم جالسين يسمرون بدا ( ابو الارانب ) بسالفة طيييييبة
قام خويه وجلس جنبه < الاحتياط واجب . المجموعة يسولفون في العقار وبالملايين
قال ,, يا الربع انا العام شريت ارض في الرياض ثلاثة كيلوا , فدقه يا خيويه < يعني اصغرها
قالوا كم قال ثلاثة كيلوا فدقة ثانية قال في مترين
جو يقلبونها بروسهم ما ركبت !قال خويه .. يا الربع الرجال شرى شارع
اخطوا البلدية وضيقوه فشراه وسواه ممشى وتصبحون على خير
اخذ خويه وسروا و في الطريق قال ليه فضحتنا قدام الربع
قال انت تقول اذا دقيتكـ فاصغرها فاهبها مترين
بس انكـ ثبت في الممشى والا على بالي اقسمها قطع سكنية

مستمتعة جداً بهالمتصفح الرائع..
والله يسعدكم أهل أرانب

طيب خذوا هذي حقيقه ماهي ارنب ولا ديناصور .

لكنها الحميّة الكاذبه .

نزل اثنين عماريه يبغون بيشه وفي الطريق حلّت عليهم صلاة العصر اذنوا واقاموا وصلى احدهم بلأخر .

جاء ناس ودخلوا معهم في الصلاة وكأن الامام نسي ركعه ويوم سلم قال واحد من الداخلين :

اعتقد انك نقصت ركعه جزاك الله خير .
قال العمري المأموم ( طلاق انها كامله انت اللي جاء متأخر ) .

صدقوه ومشوا .
ويوم تعدوا قال للامام وقف .

قال ليش ؟
قال نعيد الصلاة .
قال انت طلقت انها كامله .

قال الله يشالني بس ما ابغا افشلك قدامهم .