بداية شرارة المحاوره من هنا

المشاركة الأصلية كتبت بواسطة صالح آل سلمان

صحت السنتكم
ولا زلت اقول يا بو احمد
ندك ماهو بسهل فلا تغرك صواريخ ايران
عندنا الباتريوت جنن صواريخ سكود قبلها
اسلم يا بو ريان وانا معك قلباً وقالباً
فالمنهج واحد والمذهب واحد
ههههههههههههههه
تقبلوا مودتي
ابو عبدالله

الله يسلط على عدوك راعي ضيعه ..

يا أبا أحمد لا يهمك الجمهور وتراني أخلاق

الله ... الله

بصراحة انت يابو عبد الله حكم ناجح ...


وصافقت بالرييل ... حسبهم الله فيك ..

غير ليت كل مصافقة مثل تيه ..

واصلوا ولا تحرمونا من القادم ...



إحترامي

اتمنى تكون بداية لمحاورة جميع الشعراء وجلبهم لاقامة محاورات مباشره
تقبلوا جميعاً مودتي
والتقديم احياناً لا بد يكون فيه شوية اثاره للتشويق والتحفيز
ولا كلهم اخوان واعزاء على قلبي واحبهم في الله
ابو عبدالله

ياعرب تروا معكم مخيلة فلا تغرون بنا

يساني قبل شروثك يالمدير ههههههههههههههههه

خشعني عنك عيدك تعال بالشمسية تي معك
وخلنا نخيل في ذا المخيل ولا اقلك شكلك شاعر خلك تحكم بينهم
لاني اذا حكمت بينهم ما يصلح انا مع بو ريان
تقبل مودتي

يا سعيّد خذ علوم السوق وقبل منه ما تلي =
والفتن لا هي مباعه في بضاعتنا ولا مشريه=
وأن تعلم عن علوم الخاطر العابر يقول أعفاك=
كان يتجول ولق الغلة اللي ما أنشرت على الماشي=
قال بأسوم الجلايب وأخطمك يالخيل بالرسن=
غير عود يدعي الله خوفته من زودك ومن شرك=
ونقلب وجه الزمان وغرته بعض المعايده=

بدون تعليق
لكن وين المشرف
على القسم ينسق القصايد
؟؟؟؟؟؟؟؟؟؟؟؟؟

حسن بن عويش

[/QUOTE]

أرحب يا أبا أحمد ..
الحقيقة إن اللي ما هو شاعر بيصير شاعر لأنه امام شاعر عملاق ..
ودائماً من السهولة مسايرة الكبار لأنهم رونق وأصحاب لمسات وافية ..

يا بو احمد قد بديت الشعر من بعد قد مات لي=
ما يلام اللي تنفس في بيوتك صنفها ومشريه=
واعتقد لو شاف علمك شاعرٍ غردبها ماعفاك=
يشرب الما ذا عرف بالعد من بيرٍ وفيها الما شي=
يا رفيقي ذا يسن القول مثل اللي يسن البُر سن=
الله العالم بتقديرك وخل اللي يدوس وشرك=
فان لأمثالك يقوم الحق وله ايدي معايده=

أبا عبدالله + ابا ريان + أبا احمد 0

ارحبوا تراحيب المطر لكن مذا يابكم في عشتنا تيه ههههههههههه 0

على العموم مبدعين والله يا ابا ريان وأنت يا ابا أحمد وين الغيبات يالقطوع 0

المشاركة الأصلية كتبت بواسطة غرمان بن عزيز

أبا عبدالله + ابا ريان + أبا احمد 0

ارحبوا تراحيب المطر لكن مذا يابكم في عشتنا تيه ههههههههههه 0

على العموم مبدعين والله يا ابا ريان وأنت يا ابا أحمد وين الغيبات يالقطوع 0

البيقاء يا أبا عزيز
والقطعه منك يالغالي
والعشه المذكوره ليس المسؤل عنها بأعلم من السائل
ومن نص سوق يمنه وعغاك

أستلم يا أبا ريان

يا بو ريان بأسألك ومنك أدري =
ويش رأيك بمن يأمر ولا ينهى =
يختفي فالظلام ولا خفي شره=
وحتما من ورى سورك ورماني =
وأن بدى قال أنا مالي صلاحيه=

غرمان بن عزيز ..
سلمت والله يعطيك العافية وزيارتنا لك ولأجلك وفالك الطيب ...


الرد على حسن بن عويش ..

ضاق صدري وبه علة ومنكدري=
يوم غطت شداد الوقت لاينها=
من تفيشر وعلمه صار في شره=
اقطف ثمارها موزٍ ورماني=
من يجيه الممات اهب الصلا حية=

إبداع ....... وأثر صالح محارش من الطراز الأول

ارحب بالجميع
ابو سيف ماهي حرشه طال عمرك
الا اعتبرها جني عسل
هناك خلايا في هذا المنتدى فيها ما لذ وطاب من الاشعار الطيببه
ولكن ما لقينا نحال يقوم على الاعتناء بها

ابو عزيز الله يحييك وصح النوم طال عمرك
اذكرك يوم دخلت هذا المكان كان قصر
والحين صحيت طال عمرك ووصفته بالعشه
ههههههههههههههههههههه
شكلك اذا نمت ما عاد وعيت بعمرك

بو ريان الى الان صامد وخطتك مدروسه
وجعلك على القوة
ابو احمد مبدع ولا فيه شك
بس اراك تركت الاختراق من العمق وبديت تلعب على الاطراف
اتمنى الاستمرار فنحن في شوق للمحاورة
وان شاء الله انه يظهر حظ المحاورة بداية من هذا الموضوع
غرمان عد غسل ويهك ورحب بالشعار ونظمهم
تقبلوا مودتي
ابوعبدالله

هذا ردي على صالح آل سلمان وما طلب مني......
اقدح الشعر من راسي ومن صدري
والقوافي لها سوق واعاينها
صالح اليوم يدري بي وما غره
ان بغيتوا حكم فالشعر يعناني
واعرف احدد اخطوط الملاحية

إبداع من الشاعرين

وصالح ولع المحاورة !!!!!

لازم جائزة للفائز .... الحوثي أو على البيض !!!!

المشاركة الأصلية كتبت بواسطة خشعني عنكم

هذا ردي على صالح آل سلمان وما طلب مني......
اقدح الشعر من راسي ومن صدري
والقوافي لها سوق واعاينها
صالح اليوم يدري بي وما غره
ان بغيتوا حكم فالشعر يعناني
واعرف احدد اخطوط الملاحية

خشعني عنك
ما خابت نظرتي فيك
انا من يوم شفتك تحوم بالمظله والخيزران بيدك
قلت في نفسي هذا اما واحد من اثنين
اما انه موره ولا شاعر
ولا ناديتك الا اني عارف اني باستفيد منك
قلت ان كان موره وره لنا بير
وان كان شاعر باضمه مع ابوريان واشكل بكم فريق ناري
والحمد لله انك شاعر ومن اليوم تراني مدير اعمال ناجح
وانت وابو ريان فريق وبو احمد له الخيار يختار شاعر اخر
ونحدد يوم للمحاوره ونخليهم يذوقون ويلات الفريق الناري
ابو احمد
الان اكملنا فريقنا وسميناه الناري
لا تتاخر بخويك لو كان جاري
ابو عبدالله