أصلحوا بين بن ظافر وأبو ريان

بصراحه مالوم الناس بهاالزمن لو انقطعو عن الزيارات ..اكبر دليل فعل بن ظافر ..

الخطى واقع على الاثنين بلا شك ..من وجهة نظري انا ابن ظافر خطاه اكبر كان قدر حلفان ابو ريان ..وبعدين ماله داعي الطلاق يابو ريان وش ذنب ام ريان مسكينه تكون ضحية حلفانك ..

اما من ناحية حلف ابن ظافر مايشرب مويه ..غلطاااان كان قهوى الرجال واكرمه ببيته ..ماقد سمعت بمضيف يقول والله ماتشرب لو مويه حتى لو كان يموووون .. ولا عاد تتهور يابن ظافر مره ماعندك وقت ..ههههههه المسكين يمكن نشف ريقه وهو يدور بيتك ويبي ماي ..

ومثل ماقال الاخ capitano كل واحد يصلح سيارته ..ههههههههههههههههه

والا اباخذ رايكم ياجماعة الخير ..وش رايكم ننكل كل واحد بذبيحه ..؟؟

الغلط عليك ياابن ظافر ..

دام ابو ريان طلق في هذه الحاله نفذ ماقاله واعطه القهوه والشاي وبعدها اطلعوا تعشواا برى في احد المطاعم وقتها حط الحساب اذا رفض وقال بيننا ولزم اوكيه ماعندك مشكله .. راح يجيك يوم وبتروح لبيته ان شاء الله واذا سوى وطلق ابو ريان وقتها لاتنفذ اابد افعل به مثلما فعل بك ..


الاستنتاج :

اغلب الناس اذا رفض ان تذبح له فاعلم انه لايريد ان تكون لديه دين عليه فيحلف حتى لاتاتي بعدين وتقول ذبحت له وهو ماذبح لي ..

الحمد الله ان الطرح تمثيلي فقط
اسلوب الطلاق في الحلف اسلوب ممقوت ومحرم شرعا

ولا يستخدمه الا الجهلة الذين لا يعقلون

ويعرفون الحكم ولكن في اذانهم وقر

ماذنب المراة المسكينة يحرمها من اجل ذبيحة

لغرض المباهاة فقط ؟

كما ان هناك فرق بين اكرام الضيف واطعام الضيف

واجزل شعراء العرب والحكمة في هذا الجانب

إذا المرءُ وافـى مـنزلاً منك قاصـدًا = قراكَ وأرمَـتْهُ لديــك المسـالكُ

فكن بــاســمًا فـي وجـهــه مُتـهــللاً = وقل مرحبـًا أهلاً ويومٌ مباركُ

وقــدم لـه مـا تستـطيــع مـن القِـرَى = عجولاً ولا تبخل بما هو هالِكُ

فـقـد قيــــل ببـيـتِ ســالــفِ مُتقــدّمِ = تداولــــهُ زيـدٌ وعَمـرو ومالكُ

بشاشةُ وجْه المـرء خيرٌ من القِرَى = فكيف بمن يأتي و هو ضَاحِكُ

يعني يطلع من عندك وكلكم سعداء
ما يطلع وقد حرم احدكم عليه زوجته