من يحمل راية ( هو & وهي ) تنافس المشاعر والخواطر ..

انا لاجيت ابنسي صاحبي وأنسى زمان فات

يذكرني طلوع الشمـس ما حاولت نسيانه

..

يذكرني الغلا والشوق والنظرات والبسمات
مصيبه كيف ابنسـى اللـي وسـط دمـي وشريانـه

..

يقولون الغلا ميت وانا اقول الغلا مامات
ياكيف يموت وعروق الغلا بشوق رويانه

..

يموت اللي عشق مثلي وترسخ داخله عبرات
ولاينسى عـشيق ترجح الكفه بميزانه

..

حقيقه ترسخ الذكرى وتبقا داخل الصفحات
ما دام ان الوفاء من طبعها والشوق عنوانه

..

ألا يلي نويت تسج وادور علي السجات
نصيحه حاول انك تقطف من اورود وريحانه

..

ألا ياوقت يكفي ماحصل من لوعـه الصدمات
دخيلك يازمن لا يغرق المركب وربانه

..

انا عايش على سلك الا مل حزه ورا حزات
عسى الله ما يخيب من دعى الله عند بيبانه

..

ألايا اهل الهوا مايذبح العاشق سوا الصدات
يموت العاشق المغرم على نظره من اعيانه

..

تخيل عقب هجرانه تجيبه ساعة الصدفات
لا جا من شان نظرت عينك ولاجيت من شانه

..

جريمه واضحه بس انت ما تملك دليل اثبات
و لا تملك سوا دمعة حزن من عين سهرانه

..

عسى اللي يلحق العاشق ملامه تلحقه لوعات
يطـيح بحب ناس مايعين عندهم خانه

ويبلش بلشة اللي حارت اقدامه على الوقفات
ولا منه بغي حلو الكرا ياتيه وجدانه

..

وانا لاجيت ابنسى صاحبي وانسى زمان فات
يقول القلب لا تنسى ربيع الحال واغصانـه..