شباب في المطبخ

اكرر اعتذاري للمرة الثانيه على التاخير
واكرر شكري لصاحبة الموضوع المميز
س /1 هل جربت وقمت بأعداد وجبة صغيره؟
العزوبيه تعلم كل شي والطبخ اهمها
س /2 هل تشعر بالنقص وانت تقوم بذالك او الحرج؟
ولماذا اشعر بالنقص او الحرج وانا اخدم نفسي او اقاربي او ضيوفي
والله اشعر بالنقص يوم اشوف اني ما اقدر اسوي شئ
س/3 كيف تشعر وانت تأكل من عمل يدك ؟
بالسعادة خاصة اذا كان معي احد ياكل ويستحسن الاكله
س/4 وماهي الوجبة الي تتقنها ومحد قدك فيها ؟
ما ودي امدح نفسي
بس اني احب اني اقدم المضغوط كافضل ما اجيده
ولا انسى المشويات وخبز الميرفه في البر
س/5 هل حدث لكـ موقف وأنت بالمطبخ؟
مره ايام العزوبيه
فكيت المؤشر حق قدر الضغط ورحت شوي ورجعت لقيته ساكت
قلت ما اسرع ما خلص الهواء
المهم فكيت الغطاء الا والرز كنه مطر
ولا ادري وش السبب الى الان
بس التحقيقات تؤكد ان الرز سكر مجرى الهواء وبغيت اقعد بها

س6/ متى كآنت آول تجـربه لك في المطبخ ؟
من زمان وحنا نطلع وادي طريف ولا الحرائم وكنا نطبخ في الرحلات
مع ان اولاد قرية الفرشه كانو يشكلون خطراً على المرتحلين
حيث كانو يدربون الحجارة من اعالي الجبال
ولا تزال حلة وغداء قرية ذعتيم تحت احدى الهضاب الى الان
شاهداً عل دمارهم وخطرهم
وبن فارس احد هؤلاء الله يوفقه
بس فترة النضج في الطبخ كانت في الرياض 1413هـ
س7/ من وجه نظـرك هـل الطبخ يختص بآلمـرأه فقط آم آنه لـِ
كلآ الجنسيـن؟
افضل الطباخين رجال
ولو كانت المرأه تحسن الطبيخ اكثر من الرجال مامشت المطاعم بهذا الشكل الكبير
وكما تعلمين كان الطبخ من قديم يقوم به الرجال
وكان الحريم عليهم فقط الخبز والعيش والمعاصيب
س8/طبخـه آو أكـله لآتستغنـي عنهآ؟
ليس هناك اكله محدده وبالامكان ان استغني عن اي شي من الماكولات
ولكن هناك اكله اشتاق لها اذا ابطت علي
وهي ورق العنب من صنع المدام
والمشوي في البر بس
س9/ آكله تشتهيهآ آلِآن؟
تمر بالقشطه
س10/ آذكـر آخـر طبخـه طبختهآ ؟
مضغوط دجاج في رمضان

والدور الان على طباخ من الطراز الاول
الغالي سعّيد بن شفيا
تقبلوا مودتي
ابو عبدالله