ديوان الشاعر صالح بن علي بن غيثان .... (العرضه والنبط )

عابر القارات

قولوا الله اكبر حان وقت الصــــــــــلاة ...... واطلبوا الله في الرحمة وفي المغفره

اعبدوا ربكم قدام ياجــــــــــي الممــات ...... فن لا بد من الحفرة ومن المقــــــبره

راكب اللي يسمى عابـــــــــر القــارات ...... جيب كبسولة من طوكيو مصـــــد ره

الفريد الذي يجذب عيون البـــــــــنـات ...... من جنوطه ومن شكله ومن مـــنظره

يلفت انظار حتى مدرســــــــة لمهــات ...... حمره وروجه ومكياجه ومسكـــــــره

باشة ما عليه اشكال وملاحـــــــــظـات ...... الهـــــوامير يجبرها على الهمــــــره

كن شكله الى منه تعــــــــــدى وفــــات ...... شبل نمر دخل في غابة القصــــــوره

من ركب داخله يسمــــــــع ويقرا لغات ...... تو ثري فور فايف سكس ون نمــــره

كل ما جيت اشوفه من جميع الجـــهات ...... الجنيهات الــــدولا ر و الجـــــــوهره

اف خمسه وسطاعش من الطـــــايرات ...... فيه منها وفيهــــــــــا منه بالمسطره

هي وهو في السما والارض متشابهات ...... غير هو مقـــــــــــبل منا وهي مدبره

لوديه والجبال الشمــــــخ الشاهـــــقات ...... ضم ولا شدا ولا اثــــــرب وباثـــــرة

ما يهمك الى ما بت فــــــــــيها وبــــات ...... يمنعك مالتعـــــــلاقة ومالحفـــــــــره

لو وقف بي غلبى دجله ونهر الفـــرات ...... وابغي النيل لزرق والله ان اعبــــــره

لا نهاره معـــــاش ولا بليـــــــله سبات ...... كل ما دق سلفه واحترك شنبـــــــــره

المديلات مهما كان راحت وجـــــــــات ...... يحرم اما موديل الفين والعــــــشـــره

ما بعد صدروا مثله الى لامـــــــــارات ...... ما موديل (ن) جديد إلا وهو يقهـــره

يمكله من يحقة معطي المو جبـــــــات ...... يا فخامة ويا عـــــــز ويا مفــــــخره

بو علي جعل حظه دايم (ن) في ثبـات ...... ما هي في حاجة التعريف يوم اذكره

غير يوم الصداقة عز ومفاخــــــــرات ...... صاحب(ن) يستحق ان اذكره واشكره

فيصلين ثقه من الرجال الثقـــــــــــات ...... بن طوير وكل (ن) مالعرب يخبـــــره

فيه عن غيره من العالم مميــــــــزات ...... يعطي الضيف قدره والشبب يحضره

والذي ما يعرف الصقر حطه شـوات ...... خاب من يجهل الونعـــــم ومن ينكره

عان سحم الذيابه شِبح ومعلقــــــات ...... مالعرينة الى لغــــــره الى النغـــــره

يعتزي في بدود عريم ونعم ميـــــات ...... يوم تبدي وجيه الخير مستــــــبشـره

الشواهد في التاريخ وموثقــــــــــات ...... مدري اطول التعبير ولا اقصــــــــره

في سنين ونار الحرب متواشيـــــات ...... في الركية وفي الحرة هبوا مجـــزره

ديرة في جوايلها الزهر والنبـــــــات ...... في حمى اولاد حارث تسمع ومبصره

كانت تحتاج للفدوة وللتضحـــــــيات ...... يوم كانت بها لوضــــــاع مدهـــــوره

وقفوا وابعدوا عنها الحسد والشمات ...... ما ابعدوا عالرصاص الحمر في مخدره

لين قرت وقــــر الحــــــــد بمسميات ...... امن وآمان واستقــــــرار ومعمــــــره

النخل عالطوارف البـل مهمـــــــلات ...... والنحل والحلل والرازقي والـــــــذره

كلها في حمى بالحارث مهفيــــــلات ...... لا خفارة ولا حرص ولا مسبــــــــره

الف فيها فئة والفين فيها فئــــــــات ...... والوفي ما يحب المزح والمسخــــره

والله انا نرد عن الخوي نايبــــــــات ...... نايبات تهز الضلع وتكســــــــــــــره

اكبر من الجبال الشمخ الراسيــــات ...... وان حصل مني التقصير فالمعــــذره

ما نحط السوال إلا عليه اجوبـــــات ...... والكونتر عليه الحجر والتـــــــــذكره

ويش بنت معها بنت ولها خـــــوات ...... امها رجل محسوب وبوها مـــــــره

عارية مالثياب ولا عليها عبــــــات ...... جاهلة ما تعرف الطب والدكتــــــــره

عمرها من ورى الالفين عشرسنوات ...... والذي ما يعرف اسلوبها تعــــــــدره

راسها في السما ورجولها في النوات ...... كل ما زل عام طاح منهــــا اشعــــره

سجلوا حلها في شاشة القانـــــــوات ...... واعرضوها على القرقاح والمنقـــره