عفوآ ..مســــاحة لأمــي و ..مســــاحة لأبـــي...

أمي أمي فرج همي عسى ماعدمها ..
عالي مستواها
جنة الخلد مدخل بابها من ِقدمهآ ..
والله اللي حباها
وسط قلبي سكنها وفيه رفرف علمها ..
والمحاني حماها
أفخر و يرتفع راسي وانا من خدمها..
وارتفع في رجاها
غصب عني رجا و خوف و حنان احترمها ..
ويغمرني ثناها
يسعد الله صباح الخير من نطق فمها ..
و يسعد الله مساها
هي حياتي بزينتها ولذة طعمها ..
ياعساني فداها
هي ورق ذكرياتي والحروف و قلمها ..
قصدها و منتهاها
أركع لطاعة الله محرمٍ في حرمها ..
راس مالي رضاها
يكفي اني وانا النادر ربيت بقممها ..
ماكري في حشاها
صرت حر لِـاهازت طويلة هزمها..
وانثني مع نداها
هي كنانة سهوم العز وانا سهمها..
وارمي اللي رماها
تفتخر بي وانا افخر والفخر من شيمها ..
والسعد من عطاها
ياعساني طريح الموت قبل اعدمها..
وجعل عمري فداها

...