~¤¦¦§¦¦¤~في مفــكرتي~¤¦¦§¦¦¤~

هذا انا
قلب متكسر ماجنى
غير الجروح العابثه
واشياء من شعر وصور

غير السنين اللي مضت
والذكريات المؤمنه
بان الصبر خيره كثير
ياقف على باب الفرج

وان الامل نوره بصير
متمسك بخيط اللقا
والوقت يستاقط شقى

متمرده ياذي الحروف
تنساب فاوراقي نثر
حر وشعر
منظوم من قبل الورق

حتى القلم خاف الفراق
مابين حبره والحنين
يمكن ونين
يمكن يخاف من الحقيقه لادنت
والمفترق يفتح نهاياته طرق
يفتح بداياته ضياع

كم دمعة عيت تسيل
متشبته بالمستحيل
انك تجي
وانك على خبري اصيل

الله ياخذ هالغياب
كاني تنثرت بلظاه
واستل من صدري حكي
ماله مدى
والصوت ضيعه الصدى

وش فيني ماهي عادتي
اكتب كلامي وانفضح
ياعاذلي ارقص فرح
محسودك اصبح واحد
ماله سوى ظل وضياع

كن الضلوع تكسرت
بين الالم والانتظار
كم راح من عمري نهار
والسالفه ذابت هدر
تستغفر الطيبه وجيه
وتسافر بليا عذر

والبال مليان اسأله
متبلله دمع السكوت
ومن القهر عيت تموت
عيت تريح خافقن
متعود يصد ويفوت
من كل ضيقه عابره