كيكة نواااااره بالفواكه و الكراميل =)

مساء الخير للجميع ..

اليوم سويت لكم كيكه تحبها قلوبكم ..

كيكه بالفواكه و الكراميل

اول شي المقادير :

بما ان بيني و بين البيض عداوة و بغضاء جلست احوس الين لقيت طريقة كيك روعه بدون بيض ..

مقادير الكيك هي :

ثلاث ارباع كاس زيت
كاسة مويه
ثلاث ارباع كاس سكر
اربع ملاعق كبيره حليب بودره

< تخلطينها بالخلاط كويس .

و في وعاء اخر تضعين :

كاسه و شوي دقيق فاخر ابيض
ملعقه كبيره بيكنق بودر

تحركينها بالملعقه ثم تضيفين عليها المزيج اللي سويناها و تخلطين بالويسك ( المضرب اليدوي ) .

ايضا تحتاجين الى :

فواكه مشكله معلبه .. الانواع حسب الرغبه .. انا اخذت علبة فواكه مشكله و علبه خوخ و علبة منقا ..

..

نقول بسم الله :

بعد ما تسوين خليط الكيك خذي منه نص الكميه و ضعيها في صينيه مدهونه و ادخليها فرن << يكون موّلع من قبل و حامي ..

و انتظري حتى تستوي نص استواء << يعني بس تشتد بس ما تحمر ..

بهالاثناء سوي الكراميل و هو سكر على النار حتى يذوب تماما و يصير لونه ذهبي او بني ثم اضيفي له علبة قشطه و حركي بسرعه و بس ..

و قطع الفواكه صفيها من المويه حقتها ..

الحين طلعي صينية الكيك و حطي الفواكه اللي صفيتيها من المويه و حطي عليها كراميل << بس لا تكثرين كراميل .. يعني وسط ..

و ضعي النصف المتبقي من خليط الكيك على الفواكه و دخليها الفرن مره ثانيه و اتركيها حتى تستوي تماما ..

و اذا طلعتيها زينيها بقطع فواكه و كراميل سويه كذا زي الخطوط ..

انا حطيت الفواكه المشكله بوسط الكيكه و زينتها بالخوخ و المنقا ..

و طبعا طعمها

و يا رب تعجبكم ..

صوره بانوراميه للكيكه قبل التقطيع .. بس اني نسيت و صورتها قبل ازينها بالكراميل ..



و هذي من جوا بعد التقطيع .. مليانه فواكه



و هذي لاول وحده ترد ..



و سلامتكم ..

هلابك اختي و بالعافيه ..

الله يسعد قلبك ع هيك كيكه

تسلم ايدايك

يسلمـــــــــــوووووووووووووا
نورررراهـ

سويها وارسليها لي
خلاص

هههههههههه يوه نوراه وربي من زمان مااسويت للاهل لاحلى ولاكيك اعطيني من الشعله اللي فيك ((بسم الله عليك))عيني باارده ترى
وتسلمين ياقلبي طول عمرك سنعه

المشاركة الأصلية كتبت بواسطة ام غلا

الله يسعد قلبك ع هيك كيكه

تسلم ايدايك

و يسعد عمرك كله .. فديتك يا ام غلا ..

و الله يسلمك و بالعافيه

المشاركة الأصلية كتبت بواسطة شيخة بني عمر

يسلمـــــــــــوووووووووووووا

نورررراهـ

سويها وارسليها لي

خلاص

الله يسلمك شيوخه ..

و لجل عينك تكرم الكيكه

المشاركة الأصلية كتبت بواسطة الهنوف بنت عبد الرحمن

هههههههههه يوه نوراه وربي من زمان مااسويت للاهل لاحلى ولاكيك اعطيني من الشعله اللي فيك ((بسم الله عليك))عيني باارده ترى
وتسلمين ياقلبي طول عمرك سنعه

يا بعد قلبي يالهنوف .. ماعليك ريحي بالك لاحقه ع الكرف
اهم شي دراستك الحين و ان شاالله اسوي لك حلا اذا نجحتي و بشرتيني بتخرجك ..

ماشاء الله تبارك الله تسلم دياتك يارب
شكلها يشهي والترتيب والتنسيق حلو
والاحلى من هذا كله انها بدون بيض لان محدثتك مثلك ما احب شيء اسمه بيض
تم لطش الوصفة
يعطيك العافية ماننحرم منك

فديت اللطشه و صاحبتها ..

و بالعافيه على قلبك يا رب .