الليمون ؟؟ معلومه ادهشتني !

شوفي انا بقول يعطيك العافية على الموضوع

و لكن سألتي نفسك هل فيه أحد من جماعتك مريض بالسرطان و تشافى منه

مستحيل أحد يتعالج من السرطان إلا بشيء إلهي و الله قادر على كل شيء

و لكن بالليمون ما اعتقد يعالج مرض السرطان الي يسمونه الشيبان ( مرض الموت )

جدي الله يرحمه توفي و عمره ما تجاوز السبعين سنة

كان انشط من ابوي

داهمه المرض فجأة و طرحه على الفراش

و ديناه لأفضل المستشفيات العالمية و لكن لأسف قالوا ما له علاج

شيك مفتوح للدكتور الي بيعالجه و لكن ما احد قدر

في النهاية دلونا على مستشفى بالهند و كان أفضل من المستشفيات الألمانية

قال الدكتور الهندي و كان مسلم

قال لأبوي أخذ أبوك و رجعه للسعودية خله يجلس مع عياله

أنا مستعد أوقف السرطان ما يسري في الجسم بالكيماوي بس أشيله صعبه

و الحين وده لعياله كل الي بقاله فترة ما تعدى الخمسة أشهر

خله يجلس مع عياله لأنه لأسف ماله علاج

يعني مرض السرطان ماله علاج

انا أتكلم عن السرطان و لا أتكلم عن وباء الكبد بدرجاته الثلاث

هذا ما أردت توضيحه ان السرطان لحد الحين ماله علاج

سوى إن السرطان توه في بدايته و تم اكتشافه مثل لاعب برشلونة أبيدال

العلاج الوحيد هو إستئصال الجزء المصاب بالمرض فيما عدى ذلك

الله يلطف بحاله

شكر ا أختي