طالبات بني عمرو يحلمن بالتعليم بلا حوادث مأساوية

المشاركة الأصلية كتبت بواسطة مآمثلي آحد

مساء الخيييييير على الجميع كيفكم انا بصراحه قريت الموضوع وشدني مره انا ماادري هو من جدكم تتكلمون ولا استهبال
الله عليكم يابني عمر سويتو سالفه طيب دامها تهمكم ارواح بناتكم على قولتكم قدمو في جامعه في بني عمر الله واكبر وقفت على سواقين ابو سرهد احمدو ربي ان فيه احد ياخذ بناتكم رايح جاي بلاش والله لو يرجعونها بفلوس مثل اول محد يتكلم بعدين خير وش عندكم على سواقين ابو سرهد وش تبون بالله هذا حادث قدره ربي عليهم والحمدالله ماجاهم شي كفايه اشاعات وكلام فاضي بس هذا هو الي فالحين يا بني عمر بعدين الي يتكلم عن عمر السواقين تراه مو جاي يخطب عندك تراه سواق ومايهم وش دخلنا في عمره ان كان كبير قلتو شايب مايشوف وان كان صغير قلتو نخاف على بناتنا منه ياناس استحو على وجيهكم وربي عيب الي تقولون عيييييييييييييب اسكتو مايجيبون لنا باصات والله مايوصلنا منكم احد احمدو ربي بعدين لاتاخذون شي في ذمتكم واقسم بالله العلي العظيم انه مايهمني منهم احد عشان لاتقولون جايه تدافع عنه او شي بس كلمة الحق تنقال ومحد يسكت عن قولة الحق
بس لاتقطعون ارزاق الناس ان كان فيكم فلاحه وفي روسكم كلام قدمو في جامعه ولاعلى شحم
وسلامتكم اتمنى منكم محد يطلع كلام من راسه ولاتقطعون رزق احد عشان كلام فاضي
تحياتي للجميع

أول شي الله يطول في عمرك
ويخليك لأهلك الموضوع ليس محل
إستهبال وسخريه بالعكس موضوع
جاد جدا ً ويهم كل أولياء الأمور اللي
يحبون بناتهم ويخافون عليهم
لأنهم من أرواحهم وغالين عليهم ..!

الأمر الثاني
أنا أذكر إنهم يأخذون من الطالبات
مبالغ ماليه وغير كذا تصرف لهم رواتب
للسواقين وهذا عملهم يأجرون عليه ..
مافيه أحد في هذا الزمان يعمل أي شي
بدون مقابل ولا راح أحد يقطع رزق أحد..!

وسالفة أعمارهم
الأفضل يكون في وضع صحي جيد
ومتمكن من القياده وأيضاً (عاقل)
والحوداث ما أختلفنا إنها قضاء وقدر
وقدر الله وماشاء فعل لكن إذا كان
عاد الشيب ملأ رأسه ويالله يالله
يستريح مع عواله في البيت ويعطي
غيره من الشباب العاطل فرصه ..

بني عمرو للأسف تفتقد
لمن هم في المراكز الرسمية
من شيوخ ونواب وممن تربطهم
إتصالات بالمسؤولين للمطالبه
بما يخدم المنطقه ..

لازلنا نتأمل فيهم خير
وإن شاء الله نصحى يوم
على نقله نوعيه للتطوير
من حال بني عمرو
إلى حال أفضل ..!