ملخص محاورة الشيباني - ابو عقاب - الرادار - سعيد عوض العمري

محاورة عرضة بين كلاٍ من الشعراء

الشيباني - الرادار – ابو عقاب - سعيد عوض العمري

البدع (الشيباني)
يا مبارك ودنا بالقصايد والقصيد
شد حيلك وانتبه للقصير وللطويل
دام انا خصمك حليلك حليلك يا مبارك
مالكم قسم مع اهل القرى والحاضره
الرد (ابو عقاب)
الله الي عالمٍ بالنوايا والقصيد
التحدي له خطوط وفي ذا الخط ويل
والجمل سمحان عند الحموله ما يبارك
في السنين الماضيه والسنين الحاضره

البدع ) الرادار
ابشر بعزك ولا عندنا حقد وكيد
دام ما للخصم في ساحة الملقا دليل
لا تحداني وانا توني باقي مشارك
والله ان تضحك عليك العيون الناظرة
الرد (ابو عوض)
البيوت الوافية عندنا علم وكيد
لا التقينا بساحة الملعبة شفت الدليل
لو نجيت من الحفر مانجيت من المشارك
شد حيلك قبل ما نبتدي في مناظرة

البدع (الشيباني)
يا مبارك لا تحمّس معي خلك رشيد
ما معك مخراج يا صاحبي ولا سبيل
اتحدا واكسب النصر في كل المعارك
وانت ما تقدر لشل الحمول الجايره
الرد (ابو عقاب)
كم قرينا كم سمعنا بهارون الرشيد
كل حب(ن)يانشاما يغطيه السبيل
لابدينا في التحدي فنا للخشم عارك
لا تخليني من اهل القلوب الجايرة

البدع (الرادار)
والله اني ماتعذر عن الملقا وحيد
ماذبحت الا سمان البكاير لك وحيل
وانت غرتك المدارج وتهوي في المدارك
واحسب انك بارعٍ يم تقود الطايرة
الرد (ابو عوض)
قد كلاها غيرك ولا تظن انك وحيد
مانفعهم كثرة البلبلات وشد حيل
هقوتي في صاحبي مامعه وسع المدارك
والمعرفة طارت ابها الطيور الطايرة

البدع (الشيباني)
ما يفيد الهرج يا صاحبي وانته بعيد
والمواقف تثبت اللي كريمٍ... والبخيل
انت راكب في السفينه وحددنا مسارك
والبحر لاهاج وش حيلتك يالباخره
الرد (ابو عقاب)
يابو فارس انت مثل الضحية يوم عيد
وانت تمشي عالقدم وانا مغوارٍ بخيل
والله ان تلقا علوم(ن)تضيمك ماتسارك
يوم انا بالصف الاول وشفتك باخره

البدع (الرادار)
والله اني مثل عزران في حبل الوريد
مير حايد عن طريقي وكثر مالهليل
لايجيلك ضربة قاسية في عقر درك
ماحسبت احساب جور السنين الدايرة
الرد (ابو عوض)
ماحسبت احسابكم في صدور وفي وريد
حيث منشار الخشب ماوراه الاّ الهليل
انتبه لا ترتبك ثم تعدل عن مدارك
صحح افكارك عليكم تدور الدايرة

البدع (الشيباني)
والله ما عندك يكون السوالف والهديد
بدونا يا بدونا يا ملقحة...النخيل
والله ان آخذ بثاري ولا تاخذ بثارك
وانت وش سويت يا ابوالذراع القاصره
الرد (ابو عقاب)
من بنا من غير ساس فيبشر بالهديد
حن نجوم المنتخب وانت في نادي النخيل
لا يكون البادوي زعلك ياخي وثارك
خله ذا الليلة يعلّمك لعب الباصره

البدع (الرادار)
اعتبر هذي رسالة مع ساعي بريد
انت في راس القرا شارد والاّ نزيل
والله ان احدك الين تكتب لي قرارك
وتلتفت للمخارج وصوت الصافرة
الرد (ابو عوض)
جو بيشة حر لا ترتجي منه بريد
والفنادق فاضية ما تلاقي ابها نزيل
خلك بحالك عسى ربنا ايقر ابقرارك
جعبتك ما فيها غير الهبا والصافرة

البدع (الشيباني)
الرساله واصله غير مرسلها... بليد
انت موشك عالنهايه وموشك عالرحيل
والله اني شاعرٍِ بارع ٍ طفيت نارك
وانت قد ضيّعت في الوارده والصادره
الرد (ابو عقاب)
اشعل النيران يا صاحبي وارجم بليد
يوم بعض الناس ذاليوم في وادي(ن( وحيل
يالمطوع والله ماعاد بنشوفك ونارك
يا مبارك صاحبك بو عوض بنصادره

البدع (الرادار)
يا الشيباني ودي اهبك في سلسل وقيد
لن مثلك ما يقدر ولا يفيد الجميل
مايهيبني صمودك معي والا انتفارك
خايف من نظر بعض العيون الغادرة
الرد (ابو عوض)
الشعر في داخلي جمر مايطفي وقيد
والقباحة عمرها ماتقدر بالجميل
والطواعة فخر لي ياصحيبي لا انتفارك
فافركك ثم ارسلك باول رحلة مغادرة

البدع (الشيباني)
والله إنا للجمايل نفيد وما تفيد
وانت تمشي في حياتك ذليلٍ يا ذليل
الحضر والبدو يدرون قد خلص عيارك
يا حليلك..يا كفوف الضعيف..الحايره
الرد (ابو عقاب)
حيا الله من جاء لموضوعنا حاضر وفيد
جيتنا حراب يا صاحبي راكب ذليل
والله مانحسب كلامك ولا نحسب عيارك
عوذ بالله من سجون الرياض وحايره

البدع (الرادار)
مايندك يا الحديد الصليب الاّ حديد
والنصايح تنشرا وانت عارف ياقبيل
احشم اللي حشّمك واتقا الفتنة وجارك
لايجيلك رميةٍ من ضلوعك نادرة
الرد (ابو عوض)
ماتراعي لاقريب ولا اتراعي حديد
والله اللي وحده الرازق المعطي قبيل
والعشم فيك ان تقدر ضيوفك وايا جارك
مير الاخلاق الرفيعة هي اللي نادرة

البدع (الشيباني)
الشيوخ اشيوخ ما همهم خصم ونديد
والاسد يبقى ملك لو كبر ظهر الحسيل
والله إنا قد نوينا نوديك إل ديارك
في بلاد الهند ولاّ بلاد القاهره
الرد (ابو عقاب)
والله ان شعرك شحيح(ن) ولاهو بالنديد
وانتبه واحذر الى جاك سيل وراح سيل
كل ما واجهتني زاد خوفك واديارك
لا تحدى وانت قبلك رجالٍ قاهره

البدع (الرادار)
مرةٍ ترمح ومرات تنوي بالهبيد
لكن ابرك ما بتقوى على الحمل الثقيل
وانت ياسمحان واثق وراضي باختيارك
ما علينا من هدير الجمال الكاسرة
الرد (ابو عوض)
تزعم انك للصخر والجبل ترفعه بيد
وانت داله يامسكين ابو راس الثقيل
لا وقعتوا ماني اشمت ولا هو بختي آرك
راعي السلعة ولو زادها بإنكاسرة

البدع (الشيباني)
والله انك ما تشل الحموله يا سويد
والمعارف دربها ما تدله يا حويل
حن شعاعير المعارف وحددنا اختبارك
وادري انك يا مبارك فقدت الذاكره
الرد (ابو عقاب)
بوعوض بنسفره يا النشاما للسويد
لانه في درب الخطأ ماشيٍ دربٍ حويل
لا يكون الوقت ياصاحبي والبخت بآرك
درسنا مفهوم وان كان ودك ذاكره

البدع (الرادار)
والله اني ما مشيت الطريق الا ّ سديد
ما يخوفني المقمع ولا ضرب الفتيل
عندي اخبارك من اللي تعنا لك وزارك
بيّن الماضي من اللي نشوف امباشرة
الرد (ابو عوض)
البحر داهمك وخر تنحى ياسديد
مانت في عرضة وطولة سوا حبلٍ فتيل
ياحليلك لا تحمل ترا يكفي وزارك
جاتك الكلمة سريعة تخب امباشرة

البدع (الشيباني)
انا لي حاضر وماضي وتاريخ ٍ مجيد
يوم بعض الناس علمه وتاريخه ضليل
الله وش حدك على فعلتك يوم انتحارك
يالله انك لا تعيد السنين الغابره
الرد (بو عقاب)
جت في المعنى وبعض العرب ماهو مجيد
يوم ضوّت شمسنا راح دور له ظليل
لا يكون العمر يا صاحبي والعظم احارك
جوّكم يا خصمنا بعد فيه الغابره

البدع (الرادار)
كل ماشديت حيلك تحرا للمزيد
والله ان اصبحك في الضحا واهجد بليل
ياعميل ماتفرق يمينك من يسارك
دق راسك ضلع حرفة وضلع الصايرة
الرد (ابو عوض)
علم زايد ماهو ابعيد هوه علم زيد
ياهنودٍ ماتمل الغثاء وايا البليل
لا تدور مانت محتال في علمٍ يسارك
ناظر اعيونك من الهم يا وش صايرة

البدع (الشيباني)
لا تعاند يا مبارك وانا خصمٍ عنيد
والله ان تسري ونكسر عصاتك يالعميل
بعد ما بانت علومك وطالعنا سرارك
لعنبو من يعتزي في الوجيه الناكره
الرد (بو عقاب)
الرجال اصحاب وايد البطل تحما عن ايد
والصعيدي اللي مثيلك نشوفه في العميل
طاح حظك يا خصيمي وقطعنا زرارك
والله ان وجيهكم بيننا متناكره

البدع (الرادار)
خاب من يمشي مع الناس ماعنده رصيد
ياغريمٍ ماضي الوقت مازبن دخيل
ما تبين للمطاليق منتوجك وكارك
همد حبك في متون الثمايل صابرة
الرد (ابو عوض)
مثلك وشرواك سهلٍ لنا ينجر صيد
والخضيّر لو في الخيل ما ينعد خيل
ما ادري امتى اتفوق من حلمك اللي في سكارك
وجد الارض اللي تطاها وهية صابرة


البدع (الشيباني)
مسيرة
يا مبارك تعديت الحدود وبان وقت الوعود
والتحدي مع الشعار مثل المعركه والحروبي
وانا شاعر خذيت الكاس والبيرق وخذت النصر
احتزم والتزم باوّردك درب العنا والمتاعب
ما تفيد الهروج وما تفيد البلبله يا آدمي
ما تفيد الهروج وما تفيد البلبله يا آدمي
*****
والله انا نكرم الضيف شايب والوليد
ما علينا من كلام الحثاله والعبيد
ما نمد الا بغالي...ومدّك بالقليل
وانت ما تذبح يكون الضعيفه والهزيل
ادري ان العمر يا صاحبي والوقت ضارك
ساس تمرك في ظهور الجمال السايره

الرد (ابو عقاب )
يا الشيباني فوق ارقاب ذا الشعار روح وعود
انت حجري وانا حجري محد منا لدار الحروبي
وانت صقار خذت الصقر ودي اتميزه عن النصر
كل من جاء مفلل طاسته معنا فلا ادري متا عب
انعش الروح وارقبها معا شعارنا يا دمي
انعش الروح وارقبها معا شعارنا يادمي
..............
لاتحط امسيلمه مثل خالد بن وليد
العب ابراسك ورجلك معانا والعبيد
تسكنون ابنازل الارض واسكن في القليل
والقصايد عندكم نازله فيها الهزيل
يا مطوعنا بيمشي الزمن طال انتضارك
غير ذا المره نجامله والا اسايره

البدع (الرادار)
مسيرة
والله اني خفرتك ماهقيت انك تعدا الحدود
وانا صامد في الموقف وشاعر واحتمي عن جنوبي
لو يطول المدى ياراعي المقصود والاّ قصر
حط في راسك إنا ما نحب المهزلة والتلاعب
ماربينا على الشينة ولا جعنا ومتنا ضمي
ماربينا على الشينة ولا جعنا ومتنا ضمي
-----------
ردهم واحدهم بالمثايل ياسعيد
لا يهمك كل خاين وشيطان مريد
عاد موشك عالهزيمة وحضر له كفيل
واختلف نهجة وبيّن خفا القلب العليل
بعد مازدنا علية الضرائب في الجمارك
قام يشري بالربا والخطا ويتاجرة

الرد (ابو عوض)
سيفنا يالنشاما في نصابة جاهزٍ ومحدود
ما تصير المهازل بيننا واحنا من اهل الجنوبي
بالقلوب انتقارب والمنازل مو مسافة قصر
هذي امداعبة شعار تحصل في جميع الملاعب
والنهاية قلوبٍ صافية والشعر يبقى انظمي
والنهاية قلوبٍ صافية والشعر يبقى انظمي
-----
والله اني ابخوة الغانمين ابقى سعيد
باقيٍ عالود والشيطنة ماني مريد
ما احنا في زمان جهلٍ ولا بأصحاب فيل
انحن بدين النبي جونا يبقى عليل
حج في مكة وسلط على ابليس ابجمارك
والمسامح ربنا ينصرة ويآجرة


البدع (الشيباني)
مسيرة
الجمل لا هدر فخفض براسك وانتبه يالقعود
والله انك ضعيف الحيل ما تقوى لقرع الخطوبي
ديرة البدو ماعمربها غير القرو والحضر
يا مبارك ترى الدعوى قصايد لا تجي بالنشايب
هات بدعك وخذ ردي ويحكم بيننا الحاكمي
هات بدعك وخذ ردي ويحكم بيننا الحاكمي
*****
يا مبارك لا تعاند وانا مثل العميد
والله ان تلقاء عقوبة وتضرب بالجريد
تحسبنك ونعمٍ وانت في عيني طفيل
وتحسب انك قاتلٍ وانت مهزوم او قتيل
التحدي مذهبي والهزيمة هو شعارك
والله انك صرت مثل الطيور النافره

الرد (ابو عقاب)
ما حسبنا حساب اللي وفق منهم ولا احسب قعود
يوم بعض العرب جانا دسيم الحال وراح امخطوبي
ودي انا نحقق في علومه واشهد اللي حضر
يا صغيرالعمر لا لا وربي والله منته بشايب
مادريت انك المحكوم معنا وانني الحاكمي
مادريت انك المحكوم معنا وانني الحاكمي
................
في الخطا يالربع والله متعمد عميد
كل من يخطي فلا تنشر ابسطح الجريد
والله ما يمشي معانا العليمي والطفيل
عن دروب الشر ياربعنا ودي نحيل
منتدانا منتدانا ترى حنا شعارك
يالله ان تفزع لمن يشرب امن النافره


البدع (الرادار)
مسيرة
البروق اتلالا في السماء من قبل دن الرعود
وانت مغتر في نفسك ولاتعرف تخيل النصوبي
ساقتك قدرتك واحترت توي بين فرٍ وكر
لين ضحكت عليك الناس يامسكين حاضر وغايب
عقب ماشافتك تمشي وتاقف تايه ومنعمي
عقب ماشافتك تمشي وتاقف تايه ومنعمي
====
حن نقطف لك من الشمّخ الطلع النضيد
وانت في حجرتك ما ظهّرك جو الجليد
ماتت اعظامك وهيبتك من كثر الزميل
وان زرعت البر ما بان له عندك حصيل
كم تجنبنا على شان مانكشف ستارك
يابخيل ماعرفت البيوت العامرة
الرد (ابو عوض)
خاب من في الملاقى رق فينا ولا يرعد رعود
ليس فينا الخباثة يخسى كل غدارٍ هو نصوبي
لو يحسب حساب الموت كان عاد والا افتكر
ويش مصيرة لو انه وسط شق في ثرى الأرض غايب
هو شقي حال والا في جنان الخالق المنعمي
هو شقي حال والا في جنان الخالق المنعمي
-
يا مبارك يارفيقي ويانعم العضيد
لا تكسر في عظامٍ ولا تسلخ جليد
ادمح الزلات هذا اخو واخر زميل
لو خذيت بجرمهم فكر اش صار الحصيل
خلهم وراك ياصاحبي للباس تارك
حتى لو هي اقلبوهم للردى متآمرة

الله الله يالردار
( زكّرتني بالزي مضى )
أيام الحماس صدق ,,

كانت أيام حلوه و محاورة حماسية رائعة

يعطيك العافية وبقية الإخوان المشاركين ,,
والله يعيد مثلها والعافية ,,

صحت ألسنتكم وأبدانكم .

نشامى ، أحيتم المنتدى ، والساحة الشعرية ..
ومنكم نستفيد ..



فالكم البيضاء .

صحت ألسنتكم وأبدانكم الله يبارك فيكم

الله الله والإبــداع يا مبدعيييييييييييين ....

صحت ألسنتكم وأبدانكم الله يبارك فيكم