مجلس بنات حواء

الله يعطيكم العافيه راح ادلو بدلوي فيما يخص التكلفه اذا تواجدو الضيوف
ولو اني تأخرت شوي لكن بسب ظروف طارئه..
لكن من وجهة نظري انها اصبحت طبيعه عند اكثر الناس كونها مظاهر..
وصدقوني اللي متعودين على هالشيء مهما حاولو تركه مايقدرو يتركو
هالخصله مهما كانت باهضه بالاسعاار ومن الاساس لزوم يكون هناك
شيء يسلي ول هالوقت ويقطع من بعض السوالف ومايصير هناك نوع
من الممل فتره الجلوس..
وانا بصرااحه الاحظ انه اصبح لايوجد فرق بين عمل هالاشياء بالبيت
او طلبها من المحلات الخااصه بها ،،واصبحت الاسعار في تناافس
يعني مثل ماذكرت الاخت فجر لما يتطلب الوضع واصلح حلى بالبيت او مالح
تعالو شوفو كيف اسعار كل نوع والله كل نوع يتعدى 100/ريال
يعني خذي لك صحن حلى او مالح من برا والله اقل قيمه ..
الاسرف والتبذير عاده مو زينه لكن بحدوود الشيء المعقول..

بخصوص اسئلتك يالازديه..
فيها حيره شوي لاني مو مجربه لكن تعطينا خلفيه جميله للاستفاده ومحاوله
للتجربه منا لطرح أرائنا..
هل تذهبين معها ؟
اذهب معها ااكيد دام الوضع تطلب أستدعاء من مديرة المدرسه
لكي نتجنب الوقوع في كثير من المشاكل التي ستحصل بين البيت والمدرسه..
لكن تتوقعون ان البنت في مثل هالوضع راح تعطي أهلها خبر بوقوع
مشكلتها لها والاتخبيء الامر لان الاحظ كثير من البنات تصرف
بطرق اخرى مثل الوالد مسافر وامي ماتقدر تجي ومن هالكلام
ويتفاقم الوضع وتسترسل البنت بالغلط أنذاك..

وكيف تتعاملين مع الموقف؟
اتكلم مع المديره او المرشده على جنب وافهمها ان البنت غلطت لكن اطلب من المرشده
متابعتها والبحث عن الاسباب اللي جعلتها ترتكب هذا الخطأ ..
ومن ثم التكلم معاها امام المديره لكن ليس بأسلوب تهجم وشتم
امام الكل لا عتاب يجعلها تشعربأحساسها انه ليس من طبعها هذا الفعل
وأيضاً احسسها بقيمتها وأدبها في نفس الوقت لكي تحس بالذنب على ماقامت به..
وبالبيت نفس الشيء والبحث عن الاسباب وتفهم كل سنه عمريه تمر بها
ومالها من ارتباطات بذلك..