░♥ كل واحد يدخل ويكتب اقرب بيت شعر لقلبه♥░

حشاك الجرح ياحب ٍ شرق في خافقي ماغاب
يمد النور في قلبي تزيّن به ويزهابه


ولايهمّك وعد منّي بنتلاقى بليّا عْتاب
حكي فايح وريح المسك والعنبر حلا أطيابه


أحبّك لو تحط فيني جروح ٍ تبقى ماتنطاب
أحبّك لو تشيّد هم في صدري ويشقابه


دخيلك لاتخليني سهير العين والأهداب
دخيلك ترفق بحالي وتفتح للوفا بابه


أنا بْدونك وطن شعبه رحل واستوطنه أغراب
أنا بْدونك مدينة موحشة ظلما كما غابه


أنا بْدونك طفل همّه ضوى عينه ورأسه شاب
أنا بْدونك رجل شايب ويرقب دفْنة تْرابه



أنا بْدونك حروف ٍ مااحتواها دفْتر ٍ وكتاب
أنا بْدونك كلام بْلا نقاط وصعب يحكابه


أنا بْدونك قلم جاف ورفض يكتب وحبره ذاب
أنا بْدونك ورق مايصلح لْتعبير وكتابه


أنا بْدونك حكاية بس نهايتها بطلها غاب
أنا بدونك قصيدة صاغها لك شاعر ٍ صابه


طعون الآه في جوفه عيون ٍ دمعها سكّاب
عزف غنّى على شوقه يناجي طلّة أحبابه