من يحاورني ؟! لمن يجيد الشعر

قصيدة على اللحن الزهراني - مجالسي -
وأتمنى الرد عليها ، ثم البدع لكي أرد ..
وأرجو الاهتمام بالمعنى .



يالله طلبتك فانا في طلبتك ما اتوانى
تعز مبنى(ن) بنيته عام لول على ساس
واللي نوى هدمته والا تزهّل بفرضاه
فلا تعينه على ما سار لجله وشانه

الرد
كم واحدٍ يوم يسمع طلبتك مات واني
لكن با اجاوبك تقدير مني على اساس
تدري ان راعي علوم الطيب ملزوم في ارضاه
من شان يثبت مع العالم مكانه وشانه

البدع

اسمع كلام الحقيقة ياعريب المجاني
الزير سالم تكبر ماسمع علم جساس
الين خذ في زمان فات طوله وعرضاه (عرضه)
لكن يا صاحب المعروف ولى زمانه

الاخوين العزيزين والشاعرين العملاقين ......جاسر الغراني و الرادار
أسمحولي بهذا التدخل لكن أعجبني الطرق فحبيت مشاركتكم وأترك لكم المجال لاكمال المحاورة ................تحياتي


رد على بدع الرادار

سمعت صوت المنادي وأحسب العلم جاني
ماحب راعي الخديعة والمناوس و جساس
لكني أحب شعر فيه لعب وعرضاه (عرضه)
الازمه في بحوره ماحلى ليزمانه

وسلامتكم

المشاركة الأصلية كتبت بواسطة الرادار

الرد
كم واحدٍ يوم يسمع طلبتك مات واني
لكن با اجاوبك تقدير مني على اساس
تدري ان راعي علوم الطيب ملزوم في ارضاه
من شان يثبت مع العالم مكانه وشانه

القـديـر : الـ را د ا ر

بيّض الله وجهك ، وصح لسانك .
تشرفت بردّك ، شاكر ومُقدّر .

المشاركة الأصلية كتبت بواسطة دكتور المنتدى

الاخوين العزيزين والشاعرين العملاقين ......جاسر الغراني و الرادار

أسمحولي بهذا التدخل لكن أعجبني الطرق فحبيت مشاركتكم وأترك لكم المجال لاكمال المحاورة ................تحياتي

رد على بدع الرادار

سمعت صوت المنادي وأحسب العلم جاني
ماحب راعي الخديعة والمناوس و جساس
لكني أحب شعر فيه لعب وعرضاه (عرضه)
الازمه في بحوره ماحلى ليزمانه

وسلامتكم

القديـر : دكتـور المنتـدى

صح لسانك ، وبيّض الله وجهك .

شرّفت ولا كلّفت ..
وإن وجدت معك أحد يستمر معك وأكمّل أنا والرادار فلا بأس .
أو أنها تبقى المحاورة بيني أنا والرادار والله يعينك على الشقر .
تحيتي .

بيّض الله وجهيكما أيها الشاعرين القديرين /

الرادار & دكتور المنتدى

وأحب ألفت نظركم إلى قافية البيت الأول من أنها ألف مقصورة وليست ياء ،،
فأنا بأكمّل على الرسم اللي رسمته ( ألـف وليست يـاء )
والله يقوينا وإياكم .




يا صاحبي لا تناصحني بجهر وعـلانا
وان قلت جسّاس فاحذر من زمان ابن عسّاس
ذا ما يداوي يكون بـ سمّ ترقاه مرضاهـ
يفتـّر الحيْـل ويصيب الفتى في لغانه

شعرانا الغاليين
حياكم الله وصحت الألسن والأبدان
شرفتوا القسم ونور بوجودكم
أتمنى أن يستمر تواصلكم وابداعكم
ولكم مني اجمل التحايا

الحق ينقال يا الغالي عليك وعلانا
لاتحسب اني لفيت لوادي الهول عسّاس
لكن نافس معي وان جاك مني الأمر ضاه
لايهمك اللي كلامه في المحافيل غانه

صحت الألسنه جميع

شعار قمّه ووافين

ولا زلنا متابعين ,,

البدع

بعد المسافة قطع عن مشتل الناس مانا
وانا ادري ان وضعكم يأهل المناديب حساس
لكن كلن على ما قيل يعجبه فرضاه
والمقدي اللي في المضمار يقدم حصانه

أبنشدك يالخـوي عـن شيخ سـمن وسـمانا
يعزّ دمـك البنا والسـاس يا مطيـب السـاس
واللي نوى يفرض الاسوار ما جـاز فرضاه
قل له ترى حصن ابن عيشان تحت الحصانه

عودة إلى سمان الهرج و مشاركة
نلبّي فيها دعوة الأخ الشاعر جاسر ,,

( البدع )=
سلام يا مقرضين الشعر في منتدانا=
أهل المعاني الجزال اللي لها الطيب مسّاس=
سبايكٍ كالذهب تجلي عن القلب مرضاة=
ما يملها كلما اتردد عليه و تهانه *=

%%%%%%%%%%%%%%%%%%%%=
( الرد )=
يا الله تجنبني اهل المخزية من تدا نى=
ما ني لهم مدّ كفّي بالمصافح و مسّاس=
تأبى علي شيمتي و الشين يا ناس ما ارضاه=
واعزّ قدري عن اهل الدون واي شي يهانه=

* تهانه = تهناه

ما شاء الله عليكم .. والله ابداااع ..
واستمروا والله يوفقكم

المشاركة الأصلية كتبت بواسطة الخطاف

شعرانا الغاليين
حياكم الله وصحت الألسن والأبدان
شرفتوا القسم ونور بوجودكم
أتمنى أن يستمر تواصلكم وابداعكم
ولكم مني اجمل التحايا

أُستاذنا / الخطاف

شكراً لمرورك الكريم ، وبارك الله فيك .

لا عدمناك .