يا شعراء ... شاركونا

خالد الرافعي ، ساحر الكلمة ، الرادار ، المهاجر

أنتم بحق مبدعووون

فقد أخرجتم لنا هذه الحلة التي لا تبلى مع الزمن

>> بعد التنقيح كانت هكذا <<

يا الله يا حامي البيتين والمله=يا خالق الخلق علام بخافيها
انت الذي لا دَعَتْك النفْس منذلّه =عـطـيتهـا مـا تمنـّى وانـت والـيهـا
وأنت العطا تعطي الانسان وتدله=وتنهي مقادير عمره في أراضيها
وانت اتْهَدي العبد يا مولاي وتضله=والناس ما بين غاليها وجافيها
ياربنا تحفظ الاسلام وتجله=من الضلاله وتقتل من يعاديها
بأسم الفقيهي وبأسم شيوع حزب الله=اسم الخراب الذي جتنا بلاويها
تخطيطهم حقد في السبه وفي الزله=ويطلع مباشر على التلفاز حاكيها
تخطيطهم قسمة التركه على الضله=والنفط يصبح تجاره في موانيها
يامحاكي الضل بعت الدين بالفله=اديارك اللي مع التكفير داعيها
بعت الديانه وصرت بعالمك مُله=وأفكار شارون صرت اليوم شاريها
وينك عن القدس خله بالفكر خله=أسألك عن سنة الله ليش ناسيها
مقصود فكرك تبي تلبّـسه حله=والا رصيدك يصير الكنق ناويها
تبي تصير الزعيم وطلتك طله=وانت الدني يا خسيس الفكر غاويها
غيرت فكر الفقير وذلتك ذله=وحملت نفسك بوزن ما يواسيها
أحزابك اللي على التخريب منحلّه=كانت وماتت بحكم الرب قاضيها
شلة فساد ألا يا شينها شله=حاربت دارنا والله حاميها
ياقاتل الأبرياء الفرض لك صله=أملوكنا تعفي ارقابٍ تعاديها
أرهاب ضد الحكومه جاتك العله=وملوكنا تخدم البيتين آياديها
دار السعود اللي الاسلام دار له=اللي على الحق والايمان بانيها
دار السعودي وبأسم الكنق عبدالله=دارٍ حماها من التفكيك واليها
حنا رجالٍ نعقد الحبل ونحله=مانتّبع زمره الشيطان مغويها
والمال ماهمنا كثرة ولا قله=لان الشريعة تحكمنا مباديها
وسيف العدالة بريع وشابي السله=يصعب على من يبارزها تفاديها
ياويل من بالردى نفسه تسولّه=أرض الحرمين بالأرواح نفديها