حركاتنا زمان هههههه سقى الله ...

صباحكم بالخير يالعمال العماليه
.................... ................. مساكم بالخير يالعمال العماليه
ماتعطونا بنتكم الحلوه الجميله
.................... .................... مانعطيكم هيا الإ بالف وميه
ندخل على دياركم ونكسر أبوابكم
.................... .................... .......... .... وهذي عروستنا




هذا الزمن اللي عشناه فيما مضى



عصر ماقبل البطاره <<< البطاره تعي البطره والعز والفشخره = ... عصر الورعنه



أعتقد كل شخص فوق الـ 18مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز




هالزمان راح يقسم حسب الايام لأيااااام .. علشان تعيشو الجو




أياااااام الكشخه



الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري <<<<"اللي بعد خمس دقايق يقلب أحمر .. كأنها مصاصه دماء .. "<<<< ماعاد الشكل يصير برئ هي وذا الروج



واللي تلبس الفستان المكسره "((اللي من تحت مليان جيبون))" اللي حزام الفستان يسحبل بالشوارع وله كتافات أسفنجيه <<عاليه الجوده


وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم




...اياااااام بقاله أبو سعيد...




الوحده منا تركض للبقاله بقميصها القطن <<<"اللي شاريته لها أمها من البياعه اللي تجي عند بابهم " تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- يالله كرم النعمه



ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه




...أياااااام التصرفات الهمجيه ...



حدث ولاحرج .. مدري عاد هالتصرفات توارثتها الأجيال ولا لا



بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <--



لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. <<< بعدها تصير صادق



أما اللي بيعلم أنه كذوووب يمد لسانه ويطير لسانه بأصبعه <--- ماأعتقد اني وفقت بهالشرح




...أياااااام التلفزيون السعودي...



طوووووووووووووووووط طططووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي عشر .. يبدا القران وبعده أفلام كرتونهم الماصخه




نذكر بشار اللي ضيع أمه والدببه اللي بمدينه النخيل و الليث الأبيض <-- مم بصاحين كنا نحب الحيوانات مو الأوادم .. بس تطورنا وحبينا ليدي وسارت ليدي وبعدها روبن هود وزورو وهايدي وسالي ..<<<< هذا التطور يمكن على اخر ايام الأبتدائي



وصرنا أتابع أفتح ياسمم .. وبدر وأنيس .. <<<ياحبي لهم



<-- الحمد لله والشكر من بعد شخصيات الكرتون .. صرنا نحب أنيس



وبعد هالتطور صرنا نتابع برنامج أطفال القصيم وأطفال المدينه وأغانيهم الماصخه



لا والأفلام الهنديه .. اللي كانو يجيبونها على القناة الثانيه



فلم الولد والفيل



وفيه فلم ثاني اللي الحرمه تقطع العقد اللي لابسته عند المعبد <-- يعني طلقت زوجها




وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" ..<<<اوه كان احسن مسلسل
"ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< زوينه الشريره





...أيااااام الأناشيد ...



متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه



<-- العن ابو المصاله



سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي




...أياااام الدلاخه ...






..أياااام المدرسه ..



أول يوم دراسي .. والكرتون الكبير اللي يجيبونه لنا اباءنا من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه<<<< اهم شي المرايه لانها كانت ممنوعه في المدرسه خخخخخخخخ
وأشياء لاتعد ولاتحصى ..
ويجي دور الهجوم على الغنائم <-- أول مره يشوفون شي جديد



لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات<<<<<< " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه



...أيااااام الممنوعات ...



كان الأتاري من ضمن الممنوعات .. أو بمعنى أصح مايجي من نفسه لازم له طراره من البزارين <<<<< ويعسكرون عند راس الابو لين ما يوافق علشان يسمح له دخول المنزل ..



كل ماقلنا نبي أتاري .. قالو الأتاري مااسمع له طاري
وبعده العائله ولعبه ماريو
وكان الميك أب عيييييييييييييييييييييييييييييييب
>>>> ياليته باقي عيب عند الخليجيات
انفتحوا ع المكيلج فتحت الشر كنهم مفاجيع



بس أزين شي ان طلعت الشارع عادي <<< اهم شي الشارع




تحيااااااتي
شــيــخــة آلـ غــيــد

ههههههه
حركات البنات
وبالعكس كنتو عايشين زين
اذكر القريه كلها فيها تلفزون واحدوعادي وانواع الزحمه
كان نروح بالغنم من بعد المدرسه الى المغرب
وياكم اكلت من الكتب ههههههه
كانت الكوره عباره عن قطع قماش معبيننها في كيس بصل
اما النشيد
القرطسيني راح بيتنا يبغى يعرس من بناتنى

او
جينآآ من الطاآآيف والطايف رخى آآ
والفرد بوسته ياسمى آآ سمى آآ

بس بساطة الماضي اجمل من عيشتنى اليوم

لاهنتي شيخة ال غيد

وياكم اكلت من الكتب ههههههه >> كان حطيت شطه ع الكتب وشوف كيف تطلع لسانها ههههههه خلها تتوب تاكل كتب وقراطيس و قمايم

بس بساطة الماضي اجمل من عيشتنى اليوم >> وانا اشهد ولو اني مالحقت اغلب الاحداث الحلوه


استاذي ابو صاهود نورت والله
واسعدتني جدا جدا اقوى شي اضافاتك
بس باقي بسال البابا منهو,,,, القرطسيني راح بيتنا يبغى يعرس من بناتنى

نروح المدرسة بدري.. ونضحك داخل الطابور


نحاول نزعج العالم في روحتنا وجيتنا

عشان نأخر الحصة نخبي... علبة الطبشور



نشاغب بس في الاخر تميزنا برائتنا

نحب الضحك والهيصة نحب نط فوق السـور

نفرفش..ليه مانفرفش..؟ ما دام الضحك عادتنا


مشكووووووووووورهـ ياالغاليه

وموضوع في غاية الجمال




بس البصملك على العشرهـ؟؟؟

يا عيني عليك


يا جدة شيخة

وشكلك ما لحقتي شنطة القماش

والله ايام لها مذاق خاص

تحيتي لك

حياك الله استاذي ... سد الوادي
لا والله مالحقت لكن شفت عند جدتي بعض الشغلات حق زمان >> التراث

تذكرون هذى على طارى المدينه:

قولى يحلوه يا غندوره..ايه موضوع الفزوره؟
الفزوره الفزوره.


.......
تذكرون لعبة الصور من البقاله-صور حيوانات
تذكرون ...كتيب..سن توب حق الصور
تذكرون..بنك بانثر من زمان ما شفناه
تذكرون..محظوظه و مبروكه و خالتى قماشه...خخخخ تذكرون نبيه و صالح
تذكرون..جزيرة الكنز
تذكرون..حرب الوديعه<<امزح - حرب الخليج
تذكرون..القناه الثانيه صباح الخميس -السياره السودا وتتكلم بعد
تذكرون..الثلاثه الكوكبان
تذكرون..المهابيل الثلاثه
تذكرون..يوم احرقو انديرا غاندى وجابو ها تحترق فى التلفزيون
تذكرون ..حلاوه بقره
تذكرون ببسى آرسى
تذكرون..العيد والمدفع ..فى المشهد..
تذكرون الكاريكاتير الى فى الشرق الأوسط- الكره الأرضيه ملبسينها غتره فلسطينيه وشنب.
تذكرون.. اغنية واروح للمله على و اقوله شايب ونا بنيه..واغنية بتروح لك مشوار الت الا ياريت..وصبوحه






انا ما اذكر



يعطيك العافيه..اكتب واعيش الماضى

طوووووووووووووووووط طططووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي عشر .. يبدا القران وبعده أفلام كرتونهم الماصخه

الله يسقى ايام زمان,بالنسبه للافلام الكرتون الماصخه صادقه وبصراحه ماخلى الشعب السعودي ملذوع الا من افلام الكرتون اللي كانت تجي ويطبقونها على ارض الواقع,
تقديري لكـ

ههههههههههههههههههه تجنن تذكرون وتذكرون وبلاآخر انا مااذكر

استاذي ... كبتشينو
استاذي ... حفيد الملوك

ههههههههههههههههههههههههههههه

حسيت انا من قبل الزفلت والله حياة زمااااااااااااااان رووووووووووووعه على التقى والنقى يعني صدقني يعني

وسلطان واريد علبة الوان لون ايش لون احمر احمر مافيه طيب اصفر يالله اصفر افقع وهو يلاحقك هههههههههههههههههه >>>>>>>> يازينها هههههههه

ايييييييييييه شيخوووووه اذكر مره امي الله يرحمها بصف ثاني ابتدااااائي تخيلوووووووووا

مصروفي كان طبعا ريال تشتري فيه اي حاجه وتحمد ربك معاك الخبز والعصير من البيت

يوم من الايام ما كان فيه ريال وادتني عشره

المهم انا ريال كل يوم طبعا حلاوى مصاص ههههههههههه والله حاله

المهم رحت للمقصف واديتو العشره وقلت هبلي مصاص ههههههههههه

طل فيني وقال كلها قلت ايه اش فيك

المهم اداني خمسين حبه وانا مفجووع الله وش فيه المصري مايعرف يحسب والا كريم وطيب

المهم اخذت الخمسين مصاصه وعلى البيت وانثر على اخواني ماعمر امهم اديتهم الا هذا اليوم

قابلت امي لحياني وين الباقي على طول

انا بكل خوف وربكه اي باقي يا امي اغراضي كلها كامله

قالت الباقي من العشره قلت يا امي والله ما اعطيتيني الا واحده ههههههههههههههه>>>>> هبل

الله من ضرب وانا فكري ان كل ورقه مثل الريال

حالة بقعاااء بس برضو احلى من حياة اليوم مليون مره

عندي انا ورأي شخصي


مشكوووره تكرونيه على المشاركه الرووعه

تقبلي مروري

ودي لك وللجميع

هههههههههههههههههههههههههههههههههه
اي والله احسن من حالة بقعاء ع قولتك
منورررررر بطلتك استاذي

اللللللللله ياشيخه
موضووع مررره حلووو
الله يسقي زمااان

بعد عمري والله اموره

الاحلى تواجدك ياغلاهم