رد سحايب العازميه على محمد العمري

الشاعر محمد العمري

عسى الله يابنت العرب ما يصيبك بأس
نصحتي وكفيتي وقمتي بكل اسلوب
نظمتي حروف القافية كنها الألماس
ولو شافها بوش اللعين أنثنى ويتوب
رسمتي معاني من قراها يجيه احساس
حِكَمْ واضحة فيها تجد غاية المطلوب
سحايب كفاك الله من حقد بعض الناس
عسى ربنا يغفر لنا ذنبنا المحسوب
سحايب تري لنظار ما هي تري مقياس
ولا يكشف الرجال غترة وشكل الثوب
سحايب تري لجواد في المجتمع نبراس
وتظهر معالمهم وخصامهم مغلوب
سحايب صحيح العرق يا عزوتي دساس
وهذا حديث المصطفى حامل المكتوب
سحايب كثير الناس عايش على الإفلاس
ولكن ماهو في حياة الطمع متعوب
قنوع بما عنده ولا طبه الوسواس
ولا خاشرت فكره علوم الردا والشوب
تجول مع سلك الأمل ما طواه اليأس
ولا عاش بين المجتمع عيشة المنهوب
سحايب قريت أبيات قافك وشاب الرأس
ومن شافها قال إن من قالها موهوب
عرفت إن قافك في سطور الحكم نوماس
وكنه من الأماس واياالذهب مصبوب

الشاعره / سحايب العازميه

تحيه من أهل الشرق تأصل عريب الساس
تزخرف بنزف الشعر وتسلم المندوب
على ان مآبها حاجز توصل رفيع الرأس
لك الله يامحمد فلا رضي بها محجوب
رموز القوافي ساقه الفكر والإحساس
بنتها المشاعر ماسرقت عاطفة كذوب
على جوه العادي تداعب مع النسناس
وربي ملطف جوها ساكن الهبوب
وثم اندرج حبر القلم فبيض القرطاس
يغطي سطور(ن) مابعد ناشها مكتوب
للرجل حفظ نطقه عن السحت والأدناس
لسانه يعبر كلمته مابها مشذوب
يصوغ القصايد وشمخت كنها قرناس
عن الشك والزلات بتذ لل المرعوب
محمد يروضها كما مهرة الفراس
طموحه بعزه وقتنا ما أدّت الماجوب
له أزكى تحايا عد مترفع الإجلاس
وعدد ماتخزن برمجة ذاكرة حاسوب

ساحر الكلمه


بيض الله وجهك يا غالي ع نقل هذه الرائعه الى هنا



وصح لسان من بدع ورد

وبيض الله وجيهم

لا هنت يا غالي

وننتظر جديدكـ وما تجود به نفسكـ

كل الود,,,

شكراً على ما قدمت ..
بدع ورد قمة بكل شيئ ..
روح القصيد ومعانيه ومضامينه تجلت هنا ..
تقديري لك ..

جمال فاق الوصف
في هذه الأبيات ..
توجد في شاعرية كبيرة تدل على تمكنهما الشعري ..
صحت أناملهم ..

ولاهنت يا ساحر الكلمة على هذا النقل ..

تقديري واحترامي ..