وصلوها للذي غايب ماقد لفى

الله يحي كل من شرفنا في منتدانا وهذة مجاراة مختصرة على الطاير

يامرحبا من شاعر دون قيفة=ترحيبة تصرف بوضح النقا كاش
باللي حضر ينقل حزامة وسيفة=ويثبت انه في المواقيف حنّاش
من روس قومٍ في الملاقا عنيفة=لا قامت الهيجاء وقبس الزند حاش
اقولها والعين ماهي كفيفة=واسوقها من داخل الصدر والجاش
مالي عذر تو البيوت الكثيفة=حتى ولو سقف السماء صعب يناش
والموهبة حلت محل الوظيفة=والعقل لامنة فطن للشعر شاش
والكفو ماينكر مواقف حليفة=ولا يصدّر كل جايع وعطّاش
يقسم وياخذ قسمتة بالنصيفة=ولا يتسمع في حكا كل طراش
يغنم زمانه في ربيعة وصيفة= ولا يصيبه تونا خوف وارعاش
ولا يتباسا بالجروح الطفيفة=يغدي بسبتها على قسم الإنعاش
ولا يتهاون بالحمول الخفيفة=لا عادت اعظامه ضعيفات واهشاش
والعلم واضح والمعاني ظريفة=لو شك فيها راعي العرف وانداش
زامت وهبّتها رياحٍ حفيفة=من شان تفتش زهرة العود فتاش
حتى النخل خلت جريدة صريفة=كنه هوى فيه المزارع بمبراش
وختامها هذي القصيدة قذيفة=مدري طناخة راس والاّ تعفاش
تضحك لها بعض السنون الصفيفة =قبل يجي من بينها عود منخاش