قصيدة هلالية

الله لا يهينكم اللي عندة خبرة ينسقها

ايقول راعي العرف مبدا كلامة=سلام يأهل المرجلة والشهامة
اعداد مالاحت بروق المناشي=واعداد ماهلت مزون الغمامة
يأهل الوفاء والصيت في كل حزة=يامن لهم في كل الأحيان زامة
انتوا هل التاريخ والصف الأول=وموصلين المجد ذروة سنامة
افخربكم وابدي بكم في نشيدي=من غيركم شوف المنابت عدامة
تاريخكم في ماضي الوقت يشهد=له في متون العز وقع وعلامة
دون على وضح النقا في القصايد=والشعر مايخفى علية نظامة
صدرت من زين المناهل شباعة=وانقذت من حوض المنايا حيامة
إلين وزيتة بروس النوايف=معاد تاصل له طوارش تهامة
والصدق له فيما نظمته مواري=ومثبتة وموثقة بالزامة
ماهزته ريح من الشام هبت=مرخي لوازيمة ثمانين قامة
يدريبها من ساق نظره ولده=ويصحا بها اللي هاجع في منامة
لا حل يوم فيه مغزا وفزعة=ايدن باروده ويبرق حسامة
والى تمثنى الليل وارخى سدولة=يفزع مهاجيدة ويكشف ظلامة
سلعة فطين نادر من وزنها=تنساق من بال يباري هيامة
واللي يسايرها مع كل وادي=تحمدوله بالشفاء والسلامة
وانا تعبت وشاب راسي وحالي=الله يجنبني خطر كل هامة
لكن والله ما اعتذر في لزومي=لا شفت في يوم الملاقى زحامة
والدرب من تو المساريح بين=لاهوزعت حمر النعم بالبسامة
والشعر للشاعر يوفيه قدره=يكفي وقوف الناس له واحترامة
والى دعا اللازم يشرف حضورة=ياحيف من لايحتمي في مقامة
اقولها وانا على الطيب نهجي=مادام باقي في يديه زمامة
اما تخاوينا على الوجه الأبيض=والا هجرته قبل دفع الغرامة
واعلنت فرقا الدار واسرجت خيلي=واسندتها درب الجدا بالجامة
مثل المهاجر والمودع ديارة=لا رد في العقال شك وملامة
مادام كل عاد للشور يفتل=والبحر من ياصل شواطية عامه
والذيب ينبح والمداجين تسري=وتبيض في وكر الصقور الحمامة
والعين عيت ما تخز بنظرها=دنيا تمختر ماعليها لثامه
تضحك بوجه أهل العقول الخفيفة=وتلد عن راعي الوفاء والكرامة
دنيا تقلب من جهات عديدة=تزهى معالمها لداني وسامه
ولت ولاسمعت لصوت المنادي=تنقاد للغربي وناشت مرامه
وانا اقتببس من قول راعي المثايل=سباح بحر الشعر شرقة وشامة
بيت لفتني به مزون القوافي=بانية شيخ راح مقطب حزامه
ان مت ياراسي فدتك العمايم=وإن عشت ياراسي كسيتك عمامه
واجتحت بأفكاري جميع المناهل=واردعت بيت العز قبل انهدامة
ما اصغي لصوت الليل واثني زعومي=حتى ولو وجه الزمن فية شامة
اصبر ولا ابين خوافي الضماير=لو كان صدري طاوع الضيم ضامة
واصمد وادافع في اللقاء عن متوني=ما هاب ضو العرفجة والثمامة
ولا قنيت الا البكار المزايين=مقنى هل الطولات واهل الزعامة
خليتها تسرح وتمرح ولايف=والشاردة طوعتها بالخزامة
ما هاب من راعي العلوم الردية=اللي يباريني بزرقا اليمامة
وانهي على وضح النقا مانويتة= عارف ورود القاف واعرف ختامة

الرادار

صح الله لسانك وطاب حالك ...

وبالنسبة للتنسيق قسم بالله اني قعدت ربع ساعة احاول انسقها ولا فيه أمل ...

لكن بإذن الله انها تتنسق ... واعتقد هناك خلل في النظام ..

انتظر القادم منك وصح الله لسانك مرة اخرى

إحترامي

الرادار

قصيدة جزله ووافيه

من شاعر جزل ووافـــــــــــــــي

صح الله لسااانك ملااااايين

اطيب التحايا للجميع

اشكركم على المرور واعدكم بالمزيد رغم عدم المعرفة في النت ولكم من اطيب التحايا يا تاج راسي

تسلم يا ذيبان ....

وقصائدك روعة وحضورك دائم اروع الله يبيض وجهك ..

وننتظر الجديد ونبغى يكون غزل ...

الرادار

بيض الله وجهك يا شاعرنا

ما اقول الا لله درك

جبرني الوقت - ابو غرام اشكركم من قلبي

صح السانك يالرادار

شاعر جزل


تستحق التحيه


وااااااااااافي

الردار شاعر رائع ومتمكن ..
صح لسانك ولاهنت والله ..
تقديري ..

ونعم والله يا الرادار..
وعزالله ان القصيدة محسودة الله لا يظرك..
وافي وقصيدة وافية وأجبرتني أقراها وأكررها أكثر من مرة
إبداع وننتظر منك الجديد..
تقبل مروري ولك تحياتي

الرادار
قصيدة رائعة ، ومن شاعر جزل !
لا يعيبها التنسيق فالمضون وافي والمعنى كافي !!
لا تحرمنا من بدائع قصيدك !!!
انت بحق مبدع !!!!

اخوك
حكيم المنتدى

قصيدة جزله من شاعر جزل الردار صح لسانك وبيض الله وجهك