يمه وش الدنيــآ بلا نورك

أمي يا أول حب عشته بدنياي
يا أول اسم تنطق شفاي طاريه
انتي هوى روحي وبعروقي الماي
عمري بدونك عمر ما عشت أنا فيه
.. .. .. ..
ياما لقيتك في شتا وقتي دفاي
حضنك يدفيني بحنانه وأدفيه
وياما مسكتي في عنى الوقت يمناي
خوفٍ علي من الزمان وبلاويه
.. .. .. ..
انتي نظر عيني وبسمه شفاياي
وانتي هوى قلبي وحبه وغاليه
وانتي الجميل اللي تعدى عطاياي
لو عشت كل العمر ما أقدر أوفيه
.. .. .. ..
تدعين ربك لي يسددلي خطاي
وأرفع أنا كفي لله وأدعيه
يا ربي تمنحني رضاها بدنياي
وان ما رضت عني ترى العمر مابيه
:

سد الوادي موضوع رائع وجميل ومهما قلنا اوكتبنا عن الام لن نوفيها حقها
كلنا مقصرين في حقها امي اسئل الله
ان يلبسك ثوب الصحه والعافيه وان يديمك
لنالاني ما اتخيل اعيش الدنياء بدونك يا اغلى مافي الوجود 000

سدالوادي مبدع دائما موضوعك راق لي كثير
يعطيك العافيه تحياتي