لاعبـ الهلال ويلهامسون يبصق على احد رجال الامن السعوديين ..!!!!

المشاركة الأصلية كتبت بواسطة غلا.....ي

اليامي ...
يفترض الطرح مايكون بالساحه الرياضيه كون الموضوع خارج عن طور الرياضه وكان العشم في مشرفي الصفحه
التي بدت خاليه منهم تماماً ...
وللمعلوميه فالحادثه صحيحه ولكنها ليست بهذا الشكل مع احترامي لطرحك .. أقدرك كثير ولا أكذبك ولكن ربما المصدر
لم يوضح الحقيقه .. ويلي أعتقد بأن الأمر طبيعي للدخول للصاله الداخليه من أجل توديع زوجته ومن حقه فنحن
المودعون كم مره دخلنا مع ذوينا لتوديعهم رغم أنه ممنوع .. والعسكري أثار استغرابه دخول ويلي وكأنه غير منصاع للأوامر وإنعدام اللغه لدى العسكري احدث ضجه .. اكيد ويلي تكلم ولكن لم يفهم أحد ما قاله مما اضطر العسكري لعمل محضر فوري للضابط المناوب بأنه تلفظ عليه وهو لم يفهم ماقاله .. وقبل أن يرفع لجهات الإختصاص حدث ايضاح كامل من قبل الامير نواف بن سعد بادر بعدها ويلي بالإعتذار للعسكري في حينه ..
ومشت الامور طبيعيه .. وقد تناقلت بعض الصحف يوم أمس هذا الخبر كما ذكرته ..
لست محاميا ولا معاديا هنا .. يفترض أن يكون بتلك المنافذ وخاصة الخارجيه موظفين سواء عسكر او غيره
لديهم ألمام تام باللغه الانجليزيه تحدثاً وكتابه كونها الشائعه في أغلب دول العالم .. من أجل هذه المواقف وغيرها
هذا اللاعب أعتقد أنه نظامي في كل تصرفاته اليوميه هو وغيره من الشعوب الغربيه .. الهمجيه والعنجهيه الزائده
لا توجد الا في الشعوب العربيه .. ليس هنالك دليل قاطع بأن ويلي بصق على العسكري وهذه لو حصلت صحيح
صدقني لن يقبلها العقل والمنطق لانه يبصق على دوله بأكملها .. وهو لاعب محترف ومثقف ويفهم ماله وماعليه
بس شكل العسكري ميوله غير هلاليه ... هههههههههههه ...
عشمي ان يكون التداخل القادم من الزملاء بالعقل لا بالعاطفه ونسيان ما اسمه كوره .. واكرر يفترض ان يكون الطرح
بالمواضيع الاخباريه العامه ...
تقديري ..

لو كان سعودي يبي يدخل الى الصاله اللي دخلها ويلهامسون ..

وفي الخارج اقصد بدولة خارجية ..

كان قالوا ارهابي يبي يقتحم المطار ..

لكن حنا نشوف ملائكهـ ونتعذر لهم ..

اشوف انهـ ماهو بزين نسوي كذا ..

سواء انا ندخل نحن السعودي في صالة المطار .. او ماندخل ..

ندري ان مخالفة صح .. بس الممنوع ممنوووع ..

وبعد في صاله دولية ..

وحتى اذا كان العسكري لايعرف لغة انجليزية ..

فاكيد بانهـ راح ياشر له انهـ ممنوع الدخول ..

وبيفهم واش يقصد العسكري .. والمفرووض انهـ ينصاع للاوامر والتعليماتـ ..

بعدين عندي ملاحظهـ بسيطهـ ..

حنا عندنا اعتقاد خاطي ..

ان الشعوب الغربية مامثلهم احد في العالم .. في الانضباط والاوامر والتعليماتـ الخاصة بانظمتهم ..

وهذا الاعتقاد ليس صحيح كاملا ..

صح ان فيهم من يحبـ النظام .. ويعمل بهـ ..

لكن فيهم ناس دشير واهل خراب ومجرمين وجماعات مافايا واختطاف ومصائب وجرائم ..

لكن عشان التقدم اللي عندهم صرنا نذكر حسناتهم لانذكر عنهم الواقع .. وزياده على ذلك نسب في العرب والمسلمين .. ليش ياخووي .. حنا افضل منهم .. وربي مفضلنا عليهم ..

حتى وان كان عندنا بعض التخلف .. لاكن لانزع في انفسنا ومن بعدنا .. اننا شعوب متخلفة ..

الان اللذي صمم الديسكفوري في محطة ناس الامريكية .. محمد الباز وهو مصري .. (( لست متاكد هل هي ديسكفوري ام لا .. المهم انهـ قام بتصميم شي عجز عنه الامريكيين ..

اكثر عملياتـ فصل التوام في العالم عندنا في السعودية .. الدكتور عبدالله الربيعهـ ..

اللي ابي اصل لهـ من الكلااام هذا كللهـ ..

لانفضل الغربي على العربي ..

واذا سوا خطاء نلتمس له الاعذار ..

ويلهامسونـ .. اخطاء ..

والخبر تناقلتهـ وسائل الاعلام المحلية ..

وذكرتـ انه بصق على رجل الامن ..

ع العموووم لاهنتـ على المرووور والتعليق

تحآآآيآآآآي .