---- تشتاق له حتى المواني ----

يا بحر بسألك ليش أمواجك الليلة تعاني
أنت مثلي يا بحر قبل أمس فاقد لك حبيبه

أنت متضايق عشانك ولا متضايق عشاني
اسألك بالله قلي يا بحر ايش المصيبة ؟

ولا اقول : اسكت وأنا بحكي عن اللي لك خذاني
ببتدي معك الكلام وكل ما عندي بجيبه

تذكر اللي لا لفتني بشر القلب المعاني
تذكر اللي كلها حب وغرام ونهر طيبة

تذكر اللي صوتها تشتاق له حتى المواني
كل ميناء يسأل الثاني إذا طول مغيبه

تذكر اللي في كفوفي تشعل الدنيا اماني
تذكر اللي نورها سود الليالي تقتدي به

تذكر اللي سلهمتها تقلب الساعة ثواني
تذكر اللي عطرها حتى طيورك تحتفي به

تذكر اللي علمتني كيف اروض هالمعاني
كل ما مرت علي اروح للشعر انتخي به
كلمات رائعه
ومشاعر حساسه
وقلب مرهف
ومشاركه راءعه
وتقبلو تحياتي