جئت بلا عنوان

.. إنتهى عصر الغرام ..

.. وإبتدى عصر القساوة ..

.. ما مضى كله كلام ..

.. أنقلب حبي عداوة ..

.. لي متى أسكت وأداري ..

.. لي متى أصبر ..

.. حرام .. لي متى أعطيه بالي ..

.. وهو بحبي ما يبالي ..

.. ولا يهمه ما جرى لي ..

.. ما لحبي في خفوقه إحترام ؟؟ ..

.. يا كثر حب عطيته ..

.. يا كثر دمع بكيته ..

.. يا كثر ما جيت بيته ..

.. ولا مشى درب مشيته ..

.. ولو يسافر لأبعد الأوطان جيته ..

.. وإن تخبى عن عيوني داخل جفوني لقيته ..

.. أرتعش لا .. مر .. يصيبني عجز الكلام وما قويته ..

.. يحق له يغتر ..

.. دامني لجل أشتري حبه ..

.. حطيت في يمناه شمس ..

.. وحطيت فاليسرى قمر ..

.. وللأسف ..

.. للأسف ما شريته ..

.. توي أدري أن حبي له غباوة ..

.. شلت حبه من خفوقي ..

.. إنتهى ودي وشوقي ..

.. صار حبي له حطام ..

.. ما أبيه .. لو يجيني .. ما أبيه !! يرتجيني ..

.. ما أبيه !! يبكي عندي .. ما أبيه !! ..

.. إنتهى عصر الغرام ..

.. وإبتدى عصر القساوة ..

*
*
*

.. الحب الحب ..

.. مشاركتك ذكرتني بهالكلمات ..

.. كلماتك تعلمنا القساوة العذبة ..

.. وتعطينا مثال للرقة الشامخة ..

.. لاجدال بأننا نقرأ لمبدع في صياغة الحرف ..

.. افتقدنا كلماتك ومشاركتك الحلووووة ..

.. كل عام وانت بألف خير ..

وتقبل مني ... أرق التحاياااا

العناااا