على طـــــاري صباح الورد ~

على طاري صباح الورد وإسمك والحـلا والـذوق
ذكرتــك يـا أجمـل أحلامـي , بقـــافـي واستهليتـه

علـى درب القصيد أسوق , قلبي والخطـاوي شـو
وإذا مـالت بـي الخطـوة , علـى دربـك تنــاسيتـه

يهـز الشــوق بأعمـاقـي , عناقيـد الغـرام عـذوق
ويقطــف بالغلا فيـني غـرامـ (ن) خنـت وأخفيتـه

أحبك كثر ما يشعل , غرامــك فـي حشـاي حـروق
وشبٌه زود لــو يحرق ضلوعـي مـت مـا اطفيتـه

أحبك دمعتـ(ن) طاحت , على خد الصباح اشـروق
يمـوت النـور لـو طاحــت , علـى كفــي وضميتــه

أحبــك , إيه أحب إسمك .وأمـوت بجيـدك المنتـوف
و تخيــل كثـر مـا أكــره , صــدودك , قمـت حبيتـه

تمـوت مـن البطـا غيمه , طعنهـا مـن جفـاك بـروق
وغشى روض الحشا وسمي جفافك وإنت ما ارويته

رحلت , ومــا بقى منك سواك إنـت , و عـا مفهـوق
عنــا ذاك الربيـع اللـــي , غشـــانـي مـــا تمنيــــتـه

تعـــال , إجرح على كيفك , تربـع واستحـل عـروق
تدلــــل والبســـاط أحمـــد , وأنــا لرضــاك مديـتـه

قــم إســهج لآخر ضلوعـي, تغلغـل داخلـي برفـوق
حلالـك ما بقـى منــي , مـــع اللـي لأجلـــك أفنــيتـه

مـن اللـي مـن غديـت أجمل قصيدة ما غـدا لـه ذوق
ومـن اللـي كتـب باسـمــك قصـيـده وانكســـر بيـتـه

وربــي , من كتــبـت إسمـــك وبروزتـه بقلبـي فـوق
وأنـــا مـــا دار فـــي بالـــي , قصــيـد مـا تحـاليتـه

دخــيل دمــعتين اللـي, غــدت منهـا الخـدود شقـوق
تــرفق ســامحك ربي , علـى قــلـب(ن) لـك أهديتـه

إذا لـــك حـــق في قلبي , فأنا لي فـي غـلاك حقـوق
وحقـــوق الشــــوق محفوظـة , وحـدي مـا تعديتـه

يذكــرنـي صــباح الورد , وإسمـك , والحـلا والـذوق
وأردد يا ( أجمـل أحــــلامـي ) بقـــافـي يـوم هلــيتـه

يهـز الشــوق بأعمـاقـي , عناقيـد الغـرام عـذوق
ويقطــف بالغلا فيـني غـرامـ (ن) خنـت وأخفيتـه

أحبك كثر ما يشعل , غرامــك فـي حشـاي حـروق
وشبٌه زود لــو يحرق ضلوعـي مـت مـا اطفيتـه

لا عدمنااااااااااااااااااااااااك يا الغلى
تواجد رائع الله لا يخلينا

رووووح القصيد

حياك الله يالغلا

وصح لسانك اختي

شاكر لكم مروركم الغالي

أحبك دمعتـ(ن) طاحت , على خد الصباح اشـروق
يمـوت النـور لـو طاحــت , علـى كفــي وضميتــه


رووووح القصيد بيض الله وجهك وصح لسانك

ووجهك يالغالي
اسعدني مرورك

روح القـِـِـِـصيد يع‘ـِـِـِـطيِكِـِ اِلِع‘ـِـِآِفِيه قص‘ـِـِـِـيده رٍآئِـِـِـعه ..

صح لسانك ياروح القصيد

واعتقد ان القصيده مكرره سبق وان قمت بتنزيلها بالمنتدى من قبل

تحياتي وتقديري