الصمت

جرحت الصمت لعيونك ومثلي ما انجرح صمته
............................خفق لك قلبي العاشق قبل لا ينطق لساني

بحبك تجتمع فيني صفات العاشق البحته
...........................وانا اللي كل ماشوفك يهز القلب وجداني

واخاف انك تشوفيني بعين ونظرة شمته
...........................شماتة كل عين ولا شماتة سيد خلاني

وعلى الخلان لو يرضى الزمان الجرح ماعشته
..........................وش اللي بأستفيده لوتركت الجرح ينصاني

زرعتي بالغلا والا زرعتي بالجفا نبته
........................كفاك اني سقيتك من زماني عبرة احزاني

اذا كان الغلا طبعك حسافه ماعرف وقته
........................ ترى مابي يكفيني يغطي كل ازماني

ادور داخلي للبغض شي ماتوقعته
.......................ولامني عرفت البغض ادور لي ولا القاني

عيونك عانقت نجم بذاك الليل ودعته
...................... ولا حتى هفت يمي وكني واحد ثاني

ابجمع كل مابي منك والحب الذي شفته
.....................وانتي طاوعي عينك وقلبك كود تجفاني

انا لك روح ولقلبك دفاه وبرده وبشته
.....................ليا منك تلحفتي بعيني تعبت اجفاني

ولو كان الخطا مني انا قلبي لك اودعته
....................خذي حقك من ايامي من اعوامي من اعياني

واذا كان الخطا منك انا مخطي تحملته
...................تردين الخطا يمي وتدرين انه اشقاني

الا ياقوها عينك خطاها مااحتمل لفته
..................تعيشين الجفا كنك تقولين ابعد انساني

نسيتك من هذاك الليل حتى الصمت لثمته
.................وقلبي اللي قواني بك ابد ما عاد يقواني

ولا بك ينشغل بالي وانا من باعني بعته
.................صغرتي في نظرعيني ولا يحملك ميزاني


__________________


مشاركة رائعه من روح صادقه
تقبل التحايااا