نصحت مية مرة .. ولا حياة لمن تنادي

الإخوة الأحباب .. أبناء بني عمرو الرياضيين .

السلام عليكم ورحمة الله .

لفت أنظاركم أم لم يلفت ( عنوان الموضوع أعلاه ) وأنا والله ما أدري وش أبدا معكم .

العلم عفاكم ..

أتمنى وكلي أمل ، في أن لا ينزل أحد الأعضاء مليون موضوع ورا بعض ، متى يمدينا نرد ، ونعلق ، أو حتى نقرا !!

تكفون .. اللي معه علم ، وإلا خبر( خاص ) عن النادي يطرحه في الرابطة .. واللي عنده خبر ( عام ) عن النادي أو المنتخب أو حتى الأندية والمنتخبات الأجنبية ؛ فالله لا يهينه ينقحها ويضبطها ، ولا بأس عليه يحطها في الساحة الرياضية العامة .

بصراحة .. الساحة الرياضية للأسف .. مدري وش أقول - ولا يعني هذا أن البلا في المشرف عليها - لا حاشاه الله ، بالعكس المشرف القدير ( الفارس الملغمق ) إنسان مجتهد ، وصاحب طرح وتعليق وفكر رياضي عالي ، ولكن إذا ما بذلنا الجهد جميعاً ، فلا يمكن أن ننجح ..

أتمنى أن تكونوا فهمتوا علمي ، والله يعطيكم العافية ، ويقويكم على الطاعة .. كتبت هذه الأسطر ولي معكم عودة بإذن الله .. فابدوا لي علمكم ، وتعليقكم على علمي ،، وعفاكم جميعاً ..

المشرف شغال مخالفات وهميه ..
وكمان كاتب المخالفات بالوان ..
غير كذا يفتح الله ..

وانا مااقول الا الله يسبر على الفارس الملغمق ..

موضوعك قمه العقل ..

هلا بك أخي .. السفيــــر ..

مثل ما قلت لك .. الإخفاق لا يأت من واحد .. بل الكل ..

لو تكاتفنا على ترك مواضيع النرفزة ، ومواضيع الاستعراضات .. لحصلنا على المصلحة العامة ..

شكراً لك ولمرورك .. والفارس الملغمق مثله مثل غيره يصيب ويخطيء .. وحنا يالعرب ما نقتنع في أي مكلّف كان من كان نطلع له عشرين غلطة ، وصواب واحد ..

جاسر الغراني ..
حياك الله .. ومرحبا بك في رياضتنا ..
أهنيئك أولاً على فكرك الكبير .. وقلمك الراقي .. وطرحك المميز ..
الساحه الرياضيه مشكلتها مشكله ..
اللي يدخل يا يكون برأس حامي .. وإلا معهم معهم عليهم عليهم ..
أنا أبحث دائماً عمن يرقى بفكره وعقليته .. ليس بمن يتخبط بكلام يريد منه أن (يناشب بين الأعضاء) ..
قد لا يقصد (المناشبه) بس عقله صغير .. حسب الواضح أمامنا ..
والمشرف الآخر صاحب السمو .. قد تكون نسيت جهوده .. أو لا تعلم بها .. لكن هو يقدم ما بوسعه ..
وعلى قوله السفير شغال مخالفات وهذه إحدى مهامه ..
ما كان ودي إن يكون هناك موضوع القرار .. لكن أجبرنا بالتعصب والتخلف والتفكير البعيد ..
وتكرار الموضوع متوفر لكن كل واحد بصيغه .. اللي ناقله .. واللي بنفسه .. واللي واللي ..
ما ودي نخدر ابداعات بعض الأعضاء .. ونطفيها ..
بس أرجو أن نتكاتف ونحاول تحسين الوضع ..
تحياتي ..

المشاركة الأصلية كتبت بواسطة السـفـيـر

المشرف شغال مخالفات وهميه ..
وكمان كاتب المخالفات بالوان ..
غير كذا يفتح الله ..

وانا مااقول الا الله يسبر على الفارس الملغمق ..

موضوعك قمه العقل ..

والله اذا ما اعجبك
الوضع و المخالفات
الملونه ..
دور لك ساحه رياضيه
غير ساحة بني عمرو..