يا خاين العشق ليه الغدر طاوعته

أمن أول القلب في ليل الهوى يسـري

وإن هب شوق الوصل لديارك أدفعتـه

وامن أول الشوق من فوقي إلى حدري

عشان وصلك كثيـر الشـوق جمعتـه

ما هبت حكم القدر لو خاننـي قـدري

ما طعت راعي الحكي فيك أنت ما طعته

ساومت نظرة عيونك والثمن عمـري

إلين حتـى قصيـدي فيـك طوعتـه

ومن عقب هذا غدرت بعشقي العذري

يا خاين العشق ليـه الغـدر طاوعتـه

لا ما هقيتك تلخبـط بالهـوى أمـري

اللي شرى القرب منك يالغضى بعتـه

عن نيتك ليتني دريـت مـن بـدري

لا شك أشـواق قلبـي فيـك ضيعتـه

قصيده رائعه
تحمل في طياتها الكثير من المعاناة
والعتاب والوقوف مع النفس
واعطاء العقل مساحة للتفكير واتخاذ قرار
اشكر على هذه القصيده الرائعه
ابو عبدالله