رحلة إلى حيث كانت طفولتنا ,,,

جبرني الوقت

الطفولة أحلى ما في هالحيآة ، مرحلة فيها

كنآآ دآيم نبتسم
كنآآ حتى لو بكينآ ، وجآرت الدنيآآ علينآآ
بعد لحظآآت وثوآني
بسمة فينآآ ترتسم

رحلة إلى تلك الأيآآم

حيث البراءة .. الطهآآرة .. العفوية .. الحب الخآآلص .. العوآآطف النقية

هنآآك فقط حيث الطفولة

رحلة إلى حيث كآآنت طفولتكم

دعونآآ نتعرف على جآآنب جميل عشناه جميعاً وتمنينآآ عودته جميعاً

مقدمه جميله جدا للموضوع

*المحطة الأولى :

أوصف طفولتك بجُملةٍ وآحدة ..!

رائعه جدا

*المحطة الثآآنية :

مآ هو أجمل موقف أو أجمل ذكرى تتذكرها من طفولتك ؟

كثيره الحمد لله لكن ربما الاجمل فيها واللي اتذكره بقوه الى الان اني مره كنت مريضه جدا وكانت الممرضه ماسكه الابره وجاهزه لتعطيني اياها ومن كثر الخوف تمسكت بالوالد الله يرحمه وصرت اقول الله يوفقك لا... الله يرحمك لا... وجه الله لا ..
ضحك الله يرحمه وقال مدامك دعيتي الله يرحمني والله ما تضربك ذا الابره وانا ابو (...)
وراحت الممرضه وهي تضحك وافتكيت انا من الابره اللي اكرهها الى الآن .

*المحطة الثآلثة :

مآ هو أصعب أو أحزن موقف مر عليك في طفولتك

كنت في رابع ابتدائي وجاب الوالد خروف قعد عندنا في البيت تقريبا شهر وتولعت فيه الين صار ماياكل الا من يدي ورجعت من المدرسه يوم الا هو في الصحن وعندنا ضيوف قمة القهر والله حزن.. حزن مو طبيعي

*المحطة الرآبعة :

مآ هي أجمل هدية تلقيتهآآ في طفولتك ولم تنسسآهآ لليوم ؟

لا تضحكون .. ماعز صغير تعويض عن الخروف اللي ذبحوه

*المحطة الخآمسة :

هل هنآآك إنسآن معين كرهته في طفولتك ؟ ولمآآذآ ؟

في طفولتي كان زوج خالتي اللي ذبحوا له الخروف يقول اني مدلعه وما يقبل مني اي تصرف وفي مره جا وانا اتفرج على التلفزيون كان فيه مسلسل اظن انه خرج ولم يعد قام صك التفزيون وقال قومي قلت ليه صاح علي وقال روحي سوي لي شاهي طبعا ماسويت له لكن قهرني وخلاني اطلع وقعد هو مع ان فيه مجلس رجال لكنه كان عله الله يرحمه بس!

*المحطة السآدسة :

مآ هي أصعب مره انطقيت فيهآآ ولآ زآلت محفورة في ذآآكرتك وسبب الطق وش كآآن ؟

لا اف الا الطق ولا عمره انمدت علي يد احد صحيح عنيده لكن اعرف متى اوقف عناد

*المحطة السآبعة :

هل كنت غيور بطفولتك من إخوآآنك وتحس فيه تمييز بينك وبينهم ؟

لا والله يمكن لاننا ماشاء الله كثيرين ورا بعض مالقينا وقت نغار فيه من بعض

*المحطة الثآآمنة :

مآ هي أكثر وأفضل لعبة كنت تلعبهآآ وأنت صغير ؟

كنت ولازلت اعشق الرسم وخاصة بالفحم على الجدار كان سطح بيتنا معرض فني

*المحطة التآسعة :

هل ستربي أولادك بنفس الطريقة التي تربيت بهآآ في طفولتك ؟

ياليتني اقدر الوالد والوالده الله يرحمهم رغم كثرتنا (كنا ماشاء الله 11) كان بالهم طويييييييييل ويتحملون اخطاءنا بحب وصبر ويلاقون وقت يدلعون ذا ويحبون ذاك ويتحملون العصبي والمريض ويعطون كل واحد فينا حقه وزياده وكأن ماعلى الحجر غيره
انا 3 وقربت اتبرع بهم

*المحطة العآشرة :

إعرض لنآآ بعض الصور من ذكريآآت طفولتك من : دفآآتر , ألعآآب , رسومآآت ... إلخ ..!

ماتعودنا نحتفظ بذكرياتنا الا بعد ما كبرنا شويه عندي اتوجرافات وصور من ايام المتوسطه لكن للاسف صعب اعرضها هنا مع انها شي يسوى والله .

* المحطة الحادية عشر

كم فلقة براااااااااااااسك ؟؟وهذه اهم شي .!!

الحمد لله الجمجمه سليمه جدا .


لكن لو عديت الكسور باليدين والارجل فهي يمكن 7 هههههههههههه الحمدلله على كل حال .

جبرني الوقت
استمتعت جدا بالمشاركه هنا
تمنياتي لكم بالتوفيق .
يعطيك العافيه .