(())(()) يـــــا عدو الله (())(())

يا عذولي كان يكفي ما حصل لي بإتهـــــامك = تتهمني وأنت تدري ما على قلبي ضغــــينه
أستبيح العذر لك لكن ما بآن أهتـــــــــــمامك = أسمحك وأقول يمكن يفتهم ويبين زيــــــــنه
وأنت تتمادى ولا توفي بوعدك والتــــــــزامك = والحقيقه ما أستصيغك والمصارح حان حيـــنه
أستصيغك كيف وأنت اللي يجرحني كـــلامك = أهضمك وش لون وأنت اللي لك أفعالٍ مشــينه
من عرفتك وأنت ترميني بسهم من سهـــامك = من عرفتك وأنت لك عاده مسماها اللعــــــينه
فيك شئ مختلف ما أعرف حلالك من حرامك = فيك عنوان الخبث ممزوج بأحقاد دفــــــينه
يا عدو الله لا تقتل في المسجد إمـــــــــــــامك = يا عدو الله لا تقسى على قلوبٍ حـــــــــزينه
كان ما ميزت وقفاتي وأنا واقف أمــــــــامك = لعن أبو قلبك يا أبو وجهين كم شخص تهينه
النذاله في دمك تمشي وحتى في عظــــــــامك = ديدنك معروف بين الناس والموقف يبــــــينه
وقدرك اللي تعرفه مدفون في داخل درامــك = وشيمتك ضيعتها ما بين وقفاتٍ مهــــــــــينه
الحياء منزوع من وجهك ولا يسوى مقـــامك = إني أكتب فيه بيتين من أشعاري الثمـــــــينه
لكن الواجب نبيّن للبشر ما في حطـــــــامك = من مواقف كلها لك في الردى والنفس شـــــينه

الله المستعان يا أبا عزيز ..
والله القصيدة ذات معنى واضح فأسأل الله أن يطيّب نفسك مما لاقيت وجعلك تنطق يها ..
أقول ذلك لأني أعرفك شاعر يصاحب الشعر ما يمر بك من مواقف وللحق فأنت تجيد الصياغة والتعبير ..
غرمان بن عزيز شاعر معروف بالطيب والعلم الغانم بإذن الله ..
خالص تقديري ..

كثيرين إللي مايميزون اليومين ذي ياغرمان

لكن فيه شئ إسمه أشكل
وإرفع نفسك عن مثل هاؤلاء

كنت قاسي في كلامك ورمضان كريم

وأجزم بأن أشكاله لايستحقون ذرة إهتمام حتى تكتب فيهم شعراً

أجمل الود

الله واكبر عليك يا غرمان بن عزيز

مبدع بهذه القصيدة ..

شاعر قدير بالفعل وشادتي مجروحة ..

انتظر جديدك ونبغى القادم غزل ولا عتاب ...


تـــــقـــــديـــــري

أبا ريان + الفجر الباسم + جبرني الوقت 0

كلكم على عيني ورآسي وكل عام عام وأنتم بخير وصحة وعافية وعساكم من عواده وأبشروا بالسعد المرة القادمه قصيده غزلية منادفه بيني وبيني بنت من اهل الرياض قريباً إن شاء الله 0

بو محمد حليله ذا يطيح بين ايدينك

بس ادري ما تطلع هذه الابيات الا من علم كبير
بس انت ارفع من اي شخص يحاول المساس بك وبشخصك الكريم
ولعله لم يعرف طيبة قلبك ولم يصاحبك ويجلس معك
ما نقول الا الله يصلح الشان ويبعد عنا كل نمام
تقبل مودتي
وكل عام وانت بخير
ابو عبدالله

الله يسعدك يا أبا عبدالله وكل عام وأنت بخير وبصحة وعافية وألف شكر لمرورك وكما قلت علم كبير يفقع الهضاب تي في الرادف لكن هذه رساله فقط وعفاك والمشاهدين 0

لا اله الا الله يا غرمان
فكري ان صفي الرادف ما بيفقعها الا الليزر
ههههههههههههه
تقبل مودتي
ابو عبدالله

حلووووووووووووه يا أبا عبدالله لكن اقصد هضبة الخليلين ولا أقول صفى بن عشان يمكن تكون اكبر شوي 0
عموماً عساه ما يجيك ما جاني وعفاك 0

بارك الله فيك

شكراً يا أميره على مرورك وعساك تسلمين ومن العايدين 0