منداة صالح آل سلمان

الاخ ابو فهد الله يعطيك العافيه على هذا الشرح
ساورد لك قصه قد وعدتك في احد المواضيع ان اذكرها وهي عن الشلل
حيث اجتمع الجماعة في منداتنا خلف الساحه وذلك من اجل الصلح
بيننا وبين واحد من الجماعة حذف اخوي ولده
المهم قالوا الجماعة للجميع عطونا شلل الحين قبل نتكلم
جاب الرجال شلله بندق
وقال عمي رح يا صالح يا ولدي جب الينبيه شفها معلقة في الميلس،
نقزت مثل الصقر ولقيت عرقة معلقه وفيها سكين تشبه الجنبيه
جبتها على طول واعطيتها جدي الله يرحمه
ويم شافوها زعل أبو الولد زعل شديد وزدت الطين بله
واعتبرها استخفاف وانها مدبره بين عمي وبيني
قاموا الجماعة حكموا بعد المداوله وامثلوا على الحذفة بشاه
وامثلوا على الشلل اللي جبته اللي اعتبروه انتقاص من حق الرجال بشاه
وبدل واحده صارت ثنتين من فعايل النشمي صالح
والله يا زين زمان
ما انتهت المنداة الا والضحكه تملى المكان والكل يسولف مع بعض
ولا كنه كان فيه مشكله ابداً ورجعنا نحن الاولاد نلعب مع بعض
من شان كذا نقول
الله يا زين ايام زمان