أبيات أعجبتني 00 كل واحد يشـارك

ضمِّني يا ليل .. وأبشر يا سراب

وعلِّم الماضي .. ومن هاليوم غاب

وإعقد مع الكون اجتماع

فيه القمر .. والشمس .. ويَّا النجوم أتباع

××××

وانت يا قبر المواجع .. والطريق السود .. والظلمة حريق

ويا كلَّ الأماكن .. يا رباب العود .. يا دمعة وضيق

ويا سواد الضِّيم .. يا فرحٍ يتيم .. يا همِّي

ويا بحور الشعر .. يا فروع الحزن .. يا دمِّي

××××

الحزن عوَّد .. بعد طول الغياب

والبحر شيَّب .. وهو توَّه شباب

قلُّهم يا ليل تكفى

قلُّهم إنِّي أدوِّر .. في زحام البرد .. وأمطار ورعود

قلب في هالكون

لأدفى

××××

البارحة كانوا معي .. كانوا هواي ومسمعي

كانوا سماي .. كانوا دفاي

كانوا الدوى .. من موجعي

××××

واليوم أنا يا ليل .. جيتكم كلِّي

جيتكم بعضي ألم .. بعضي أمل

من غيركم ..

من لي ؟؟

××××

وحيدة صرت .. في زمانٍ برد .. وأيَّامٍ شحوح

قلوب ما تعرف تحب .. وقلوب من الفرقى تنوح

ولا فرح .. بليَّا دموع

ولا جروح .. بلا دوى

ولا غياب .. بلا رجوع

وكلِّهم عندي

سوى

××××

وضمني يا جرح .. وأبشر يا طريق

وحيدة صرت .. وغير الليل والقمرة

ترى ..

مالي صديق ..