سجين القوافي

بما انني سجينه فسوف تمل مني جدران هذه الغرفه ,,,,

لا تسألونـي عـن حضـارات بغـداد
والكوت والبصـرة وحـي الرصافـة




والأندلـس والقـدس واسـلام آبــاد
راحـت وكـل اللـي نقولـه حسافـهـ



كنا نسود الكـون مـا نخضـع نسـاد
ولاهمنـا سـم المـمـات وزعـافـهـ



كانـت مطايانـا أصيـلات الأجـيـاد
ولا نفـكـر بالـزمـن والـكـلافـهـ


كنا ... وكنـا فعـل ماضـي ولا فـاد
وصرنا على وجـه الحضـارات آفـة



المسألـة ماهـي بلـد راحـت بـلاد
ولاهـي قضيـة نفـط فالنفـط تافـه



والمشكلـة ماهـي حكومـات وأفـراد
ولاهـي قضيـة حكـم وإلا خـلافـة



(الطامّـة) يبونهـا الـحـاد بالـحـاد
حرب علـى الديـن القويـم وعفافـه




ومن بعد هـذا نحلـم نشـوف بغـداد
؟هـو علـم وإلا حلـم وإلا خـرافـه



إلا اسألونـي عـن ثقافـات الأحفـاد
عـن مجتمـع همـه يزيـد انحرافـه




عمرك سمعت بمجتمـع كلـه أضـداد
؟تعـال أبسطهـا بلـيـن ولطـافـه




فقيرنـا يشكـي عنـا لقمـة الــزاد
وغنينـا يشـري عــلاج النحـافـة




يـا أمـة المليـار والربـع تـعـداد
قرابـة الملـيـار طـيـش ولقـافـة




نص البرامج طيـش والحـاد وافسـاد
والنـص الآخـر كلبـوهـا سخـافـة




(غبـار أكاديمـي) ملاييـن وآحــاد
مليـون صـوت لـه ومليـون شافـه



(وبق برذر وعلى الهوى) وعاشوا أولاد
مـا همهـم بعـد الوطـن والمسافـة



وأرجـع أقـول المجـد لا بـد ينعـاد
والـهـم هــذا قلعـتـه بانكشـافـه





إن عانـدوا حنـا خلقنـا مـن عنـاد
وإن هادنـوا فينـا سمـاح وشفـافـه




وتبقـى السعوديـة نهـر كــل وراد
للعلـم واهـل العلـم وأهـل الثقافـة




وتبقين يا أغلـى سمـا وأطهـر بـلاد
حمايـة الـديـن القـويـم وعفـافـه




ويبقـون آل سعـود فخـر للأمجـاد
ويبقـى العـدو يخافنـا مـا نخـافـه ..

للشآعر / نـفــآع العـنـزي..