أنت على الهواء

حياك الله اخوي ((صقر صدريد ))

وعندي كم سؤال ....

* موقف طريف مر بك ؟
* موقف طريف حدث لغيرك تضحك حين تذكره ؟
* موقف لا تحب أن تقع فيه ؟
* هوايه تمارسها او مكان تلجا اليه عندما تشعر بالضيق او السعادة ؟
* أفضل قسم في المنتدى في نظرك ؟
* ظاهرة لايعجبك وجودها في المنتدى ؟
* سبب استمرارك في المنتدى ؟
* كلمة تحب أن توجهها لاعضاء المنتدى ؟

ان شاء الله ما اكون ثقلت عليك بالاسئلة ..

المشاركة الأصلية كتبت بواسطة ليالي جنوبية

حياك الله اخوي ((صقر صدريد ))

هلا فيك أختي (( ليالي جنوبيه )) .. والله يسلمك ويبقيك .. ومشكوره ع الترحيب ..



وعندي كم سؤال ....

* موقف طريف مر بك ؟

مواقف كثيره .. لكن بأذكر أثنين فقط ..

الأول : في الجامعه وفي أحد المحاظرات .. وكنت مسرح وجالس في الصف الأول ..

فكري وبالي مو في الجامعه ولا في المحاظره ... ووصلت لبعييييييييييد ..

المهم .. كأني سمعت الدكتور يسأل سؤال وأنا أعرف الإجابه ...

رفعت يدي ... قال .. وش عندك يا عمري .. قلت : أبي أجاوب ... قال جاوب ...

جاوبت .. إجابه والله مدري وش هي ... ضحك .. وقال : قم غسل وجهك ..

ضحكوا الطلاب .. وحمر وجهي .. رجعت .. قال : وش سألتك ..

قلت مدري ... قال : كنت أشرح .. ولا سألت ولا شي ..

ضحك الدكتور .. وقال عشان العمري ... أطلعوا وما عاد فيه محاظره ...


محرج لكن حلو أنه فكنا من المحاظره ...


الثاني : في محل (( فيدكس )) .. كنت أبغى أرسل أغراض لأخوي في الديره ..

ولما جيت قالوا ما عندنا صرافه لكن رح وننتظرك ...

جيت بأطلع والمحل كان مليان ... والباب قزاز ولابس نظاره شمسيه ...


ما وعيت إلا ووجهي وأنفي وكلي في الباب القزاز .. وأنكسرت النظاره وطاحت ..

و أسمع الناس يضحكون .. لكن طلعت ورحت صرفت ورجعت .. ولا كأنه صار شي ..


لكن وقتها ... يا ويلي ويلاه ...






* موقف طريف حدث لغيرك تضحك حين تذكره ؟

في المطار .. كنت أنا وشباب في المطار وننتظر الرحله المتجه من الرياض لأبها ...

المهم كان في رجال يمكن في الخمسين من عمره .. ومعه أبوه وأمه وكبار في السن وبالكود يمشون ..

المهم جلسهم والظار كان بيروح ويرجع ...

شفت الشايب يقول بأروح معك ... قام ولدهم وقام معه أمه وأبوه ..

كان الأب ماسك ولده من بثوبه من ورى ... والأم العجوز ماسكه زوجها الشايب من ورى ... يعني مثل القطار ...

المهم ولدهم مسكين ... تكرفس وطاح على وجهه ... وطاح فوقه أبوه وأمه ...

أنا ما قدرت أمسك من الضحك .. مع انه موقف ما يضحك .. لكن الشكل كان شي ثاني وجت في وجيههم ...





* موقف لا تحب أن تقع فيه ؟

إني أنضرب قدام العالم أو انصفق كف .. والحمد لله ما قد صارت لي ...





* هوايه تمارسها او مكان تلجا اليه عندما تشعر بالضيق او السعادة ؟

المشي ... أو كرة القدم ..





* أفضل قسم في المنتدى في نظرك ؟

الأقسام الخاصه ببلاد ببني عمرو ...

كذلك .. قسم الحوارات .. قسم الرياضه ... الشعر ...

وبقية الأقسام أكيد أنها مهمه لي و للجميع ...





* ظاهرة لايعجبك وجودها في المنتدى ؟

كثرة الخروج عن النص في الكثير من المواضيع ..

كذلك المشادات الحاصله بيننا ..





* سبب استمرارك في المنتدى ؟

ما يبي لها سؤال ... الإسم يكفي ... والأهم الأعضاء فهم سبب بقاء الجميع ..

كلنا أخوان .. أن رحنا وإن جينا ... وأنتم سبب بقائي ..





* كلمة تحب أن توجهها لاعضاء المنتدى ؟

أقول لي و للجميع ..

المنتدى لنا جميعاً وليس لشخص دون الأخر .. وبالتالي .. نحن من يرتقي به ..

فيجب علينا أن ننتبه لمن نمثل سواء أسرتنا أو قبيلتنا ...

كذلك ... أنتم أهل الإبداع .. وأهل الرقي .. فلا تبخلوا علينا بالمزيد من إبداعكم ورقيكم ...


لكم مني كل الود ...




ان شاء الله ما اكون ثقلت عليك بالاسئلة ..

لا عادي .. وسلمتي .. وسلم لنا رأسك ...

يعطيك العافيه على التواجد الجميل ..

لك مني كل الود ..