ياليل خبرني عن أمر المعاناة......

يا ليل خبرني عن امر المعاناة =هي من صميم الذّات و إلا اجنبيه

هي هاجسٍ يسهر عيويني ولا بات=او خفقةٍ تجمح بقلبي عصيّه

او صرخةٍ تمردت فوق الاصوات=او ونةٍ بالضماير خفيّه

او عبرةٍ تعلقت بالنظرات=و الدموع اللي تسابق هميَّه

اعاني الساعه و اعاني مسافات=و اعاني رياح الزمان العتيَّه

و اصور معاناتي حروف و ابيات=يلقابها راعي الولع جاذبيه

ولا ني بندمانٍ على كل ما فات=اخذت من حلو الزمان و رديَّه

هذي حياتي عشتها كيف ما جات=آخذ من ايامي و أرد العطيّه